AURKEZPENA

Kaixo, Manuel Anguita Pinto naiz, 21 urte ditut eta Zumarragan bizi naiz. Lehen Hezkuntzako  Magisteritza gradua ikasten ari naiz. LH eta DBH ikasketak La-Salle Legazpi ikastetxean egin nituen.

Nire ibilbide Lehen Hezkuntzatik oharkabetua izan zen, ez nituen arazorik sortzen, ia egunero berandu iristea izan ezik, baina gainerako gauzetan nahiko zintzo izaten nintzen. Lortzen nituen emaitzak ez ziren oso onak ezta txarrak. Orokorrean oroitzapen onak ditu lehen hezkuntzatik baina ez gelan barruan, batez ere jolas orduetan. Ezan dudan bezala gelan barruan nahiko zintzoa edo isila nintzen, gainera ia nire bizitza osoan tokatu zidan mahien lehenengo ilaran jartzea, irakaslearen mahaiaren aurrean.

DBH bukatzean ez nekien zer egin, edo batxilergoa edo maila erdiko gradu bat. DBH-an zehar irakasteari gustua hartu nion, baina, ez nuen ikusten nire burua irakasle bezala eta horrezkero sartu nintzen erdi mailako gradu batean. Urte horretan zehar nahiz eta emaitzak onak lortu nituen baina hala ere, ez nengoen gustura eta hurrengo urtean erdi maila gradua utzi nuen eta batxilergoa egitera sartu nintzen ondoren magisteritza  gradua ikasteko asmoarekin.

Orain, praktikaldia nire herriko ikastetxe batean hasiko naiz, ez nago batere urduri nahiz eta ez jakin zer egin behar dudan han, baina, azken finean ikasteko nago.

AURKEZPENA

Kaixo!

Garazi Letamendia naiz, Azpeititik nator eta Lehen Hezkuntzako ikasle bat naiz. Betitik gustatu izan zait umeekin ibiltzea eta heurei laguntzea. Gainera udalekuetan monitore izan naiz pasa den udan eta nire bizitzako esperientzia hoberenetako bat izan dela esango nuke. Pila bat ikasi dut umeekin eta beraiek nirekin gustura zeudela ikusteak ez du parekorik izan.

Orain praktikak direla eta, onartu beharra dut urduri samar nabilela. Hain zuzen ere, unibertsitatean teorian esaten duguna praktikan jartzeko garaia izango da eta espero dut ongi egiteko gai izatea. Gainera, izugarrizko gogoa dut ikasgela bateko errealitatea ikusteko. Hau da, ikasgela batean dagoen aniztasuna. Izan ere, uste dut gauzak benetan ikusi arte ezin dugula errealitateaz ohartu. Horrez gain eta amaitzeko, ikasteko prest eta gogoz nagoela esan nahiko nuke.

AURKEZPENA

Kaixo!

Amaia Eizagirre naiz eta 18 ditut. Lehen Hezkuntzako gradua burutzen nabil eta nire lehenengo praktikak egingo ditut bost astez Mendaroko ikastolan. 

Bertako eskolara joaten naizen lehenengo aldia izango da eta lehenengo astean zehar, urduritasunez jokatuko dudala oentsatzen dut. Izan ere, eskola batean irakasle rola izango dudan lehenengo aldia izango da eta unibertsitatean ikasi ditudan metodoak, aholkuak...praktikan jarriko ditudala uste dut.

Praktikaldi honetan, unibertsitatean ikasitakoa praktikan jartzean gain, gauza berri asko ere ikasiko ditut. Esate baterako, gelan sortzen diren momentu desberdinen aurrean nola jokatu eta inprobizazioa oso garrantzitsuak dira irakaslea izateko orduan. 

Beraz, denbora honetan gauza asko ikasi eta kontrastatuko ditudalakoan nago, oso aukera ona dela uste dut eta etorkizun baterako gauza edo metodo erabilgarriak ikasiko ditudala ere bai.

Aurkezpena

 Kaixo,

Amaia Matxinea naiz, Azkoitiarra. 19 urte ditut eta Lehen Hezkuntzako bigarren mailako ikaslea naiz. Atzo nire praktiken lehenengo eguna izan zen eta zehazki Zestoako herri ikastetxean hasi nintzen. Bertan bigarren zikloan kokatu naute, metodologi ezberdina baidute eta mailak binaka batera doaz (nire kasuan 3 eta 4 mailak).

Praktika egonaldi honekin asko ikastea espero dut zentru honetan duten metodologia ezberdinagatik. Txokoetan lan egiten dute eta haurrak oso autonomoak dira, espero dut nire parte hartzea handia izatea benetan ikus dezadan nolakoa den irakaslea izatea eta ikastetxe baten funtzionamendua. 

Nire 6-12 urteko etapa gogoratzen jartzen naizenean, ikus dezaket eskolara joaten nintzenean irakasleari entzuten denbora asko pasatzen genuela, arbelera begira, kopiatzen... Irakasleari entzutea garrantzitsua da baina ezin dizu dena eginda eman, esperimentatuz ikasten da, beraz espero dut praktika egonaldi honetan, azken urteotan metodologiak nola aldatu diren ikustea.

AURKEZPENA

Kaixo!

           Irune Ruiz naiz, 19 urte ditut eta Ermuan bizi eta jaio naiz. Lehen Hezkuntzako gradua ikasten ari naiz Donostian, aurten bigarren urtea da. Bihar, urriak 14, nire lehengo praktikaldiak egingo ditut Arrateko Andra Mari ikastolan.

Praktikaldiak hasteko gogo asko ditut baina ere oso urduri nago. Esperientzia honekin gauza asko ikastea espero ditut, beste batzuen artean, orain arte ikasitako edukiak praktikan jartzea, irakaslearen lana modu gertuago batean nolakoa den ikustea, ikaskuntza metodo berriak ikastea eta abar.

Hasiera batean, zalantzak izan nituen Lehen Hezkuntza edo Haur Hezkuntza ikastea erabakitzearen orduan. 4 urte daramat umeen talde bati entrenatzen, 12 urte dituzte orain eta oso gustora ibili naiz beti beraiekin, horregatik hau izan zen Lehen Hezkuntza erabakitzearen arrazoi nagusia. Gainera, txikitatik magisteritza ikastea nahi izan dut umeak asko gustatzen zaizkidalako, eta entrenatzailearen esperientziak gehio ziurtatu dit lanbide hau egin nahi dudala. 

Nire hautzaroa nire bizitzaren momenturik zoriontsuenetariko bat izan da, azkenean ikastolan denbora asko pasatzen dugu, eta niretzako eskolan gustora egotea ezinbestekoa da, eta nik oso pozik joaten nintzen eskolara. Lagun asko egin nituen, eta oraindik nire lagunak izaten jarraitzen dute. Bestalde, oso irakasle onak izan ditut, dudarik gabe, Maider eta Pili izeneko irakasleak izan ditudan irakasle onenak dira. Haiek erakutsi zidaten niregan konfiantza izaten.

Aurkezpena

Kaixo! Iñaki Recio naiz, 19 urte ditut eta Lehen Hezkuntzako gradua ari naiz ikasten. Bigarren mailako ikaslea naiz eta Soraluzen bizi naiz. Hurrengo egunetan praktikak hasiko ditut nire herriko, Soraluzeko, ikastetxean.

Gogo asko ditut praktikak hasteko, izan ere, urte asko eta gero nik txikitan ikasitako ikastetxera bueltatuko naiz eta oroitzapen oso politak etorriko zaizkit burura. Bestalde, irrikitan nago hasteko etorkizunean izan nahi dudan lanpostua lehen pertsonan ezagutzeko eta bere alde onak eta ez hain onak ikusten joateko. Teoria ikastea beharrezkoa dela argi dut, baina nire ustez praktikak dira etorkizunerako prestakuntzan gehien aportatzen digun atala eta hortaz, ilusio askorekin nago atal honeri hasiera emateko.

Praktiketatik espero dudana, ikastetxeko irakasleengandik gauza asko ikastea, irakasle baten eguneroko bizitza ezagutzen joatea eta umeengandik ahalik eta gehien ikastea da.

Aurkezpena

Kaixo:

Ni Lorea naiz, 20 urte ditut eta Errezilen bizi naiz. Lehen Hezkuntzako gradua ikasten ari naiz eta bihar, bigarren urteko praktikaldiak hasiko ditut Azpeitiko Ikasberri Ikastolan.

Graduko lehen praktikaldian izango ditudan arren, aurrez, beste praktika batzuk ere burutu ditut, izan ere, goi mailako Gizarte Integrazioaren zikloa egina dut. Hala ere, oraingo hau, aurrekoarengandik guztiz ezberdina izango dela badakit, (kontuan izanik, aurreko praktikaldiak autismoa duten umeekin egin nituela) baina hala ere irrikitan nago hasteko eta ikasle zein irakasle berriak ezagutzeko.

Iruditzen zait, praktikaldian zehar, ondo pasatuko dudala eta asko ikasteaz gain, asko gustatuko zaidala. Izan ere, nire lehen hezkuntza garaiko oroimen oso polit eta estuak ditut eta berriro horrelako zerbait bizitzeko aukera izango dudala somatzen dut. Bestalde, jakin mina ere badut, izan ere, aurrez aipatu bezala, ni Errezil bezalako herri txiki batekoa izanik, eskolako geletan ikasle gutxi izaten ginen (nahiz eta bi adinetako ikasleak batera egon), eta adin horretako ikasleen gela haundi batek nolako funtzionemandua duen ikusteko gogoz bainago. 

Esan bezala, nire lehen hezkuntza garaiko oroimen politak ditut, eta esango nuke, nire bizitzako etaparik garrantzitsuenetarikoa izan zela, bertan ezagutu nituelako nire lagunak, zein, gaur egun, oso garrantzitsuak diren niretzako, nire parte haundi bat direlako. Praktikaldi honetan, nahiz eta nik eraginik haundirik ez izan, izango ditudan ikasleen etapa honetako zati bat izango naizela iruditzen zait eta horrek benetan unkintzen nau. Beraz, prest nago datorkidanari gogor heldu eta ondo pasatuz asko ikasteko!

Aurkezpena

Kaixo!

Ianire Izagirre naiz, 19 urte ditut eta Elgoibarren bizi naiz. Lehen Hezkuntzako gradua ikasten ari naiz Donostian. Bihar, Urriak 14, nire lehenengo praktikaldiak burutuko ditut Karmelo Etxegarai ikastetxean.

Txiki-txikitatik argi izan dut irakasle izan nahi nuela, beraz, esperientzia hau aberasgarria izango dela uste dut. Praktikaldi garaian, ikasitakoa praktikan jartzeaz gain esperientzia berriak bereganatuko ditugu. Esperientzia horiek etorkizun baterako erabilgarriak izan daitezke. 5 astetan ikasle rola alde batera utzi eta irakasle rola hartuko dugu. Irakasle izatearen alde positiboak eta ez hain positiboak zeintzuk diren ikusiko ditugu gertutik.

Ikasketak bukatu ondoren, arreta berezia behar duten pertsonekin lanean aritzea gustatuko litzaidake. Horretarako, lau urteotan gogor egin beharko dut lan.

AURKEZPENA

Kaixo!

Nora Salegui Pérez naiz, 18 urte ditut eta Deban bizi naiz. Lehen Hezkuntzako gradua ikasten ari naiz eta bihar nire lehenengo praktikak hasiko ditut Luzaro eskolan. 

Biharko eguna, urriak 14, iristeko irrikatan nago. Iraganera begiratuz gero, nork pentsatuko luke urte batzuk pasa ondoren, nire haurtzaroko eskolan burutuko nituzkeela nire lehenengo praktikak, orain arte izan dudan irakasle onenarekin berriro ere elkartu eta elkarrekin lanean arituko ginela, nork esango luke… Baina astelehena iristeko desiratzen nago, txikia nintzenean bezalaxe, iratzargailuaren soinua entzun, gosaldu, jantzi eta eskolara joan besterik ez dut nahi.

Ikasgela batean irakasle rola izango dudan lehen aldia izango da, nik bizitakoa ikuspuntu guztiz ezberdinetik ikusteko ordua heldu da, unibertsitatean ikasitakoa praktikan jarriko dut eta ikasgelan bizitzen den aniztasuna kanpotik sentitu ahal izango dut. 

Nire haurtzaroko momenturik politenak bertan pasa ditut, eskolan, bai lagunekin eta bai irakasleekin ere; nire nortasuna eraikitzen lagundu dit eta ez nintzateke inoiz orain naizen bezalakoa izango haurtzaroko eskola-garai xelebre baina eder horiengatik izan ez balitz. Momentu txarrak ere bizi izan ditut, baina bizitzaren xarma hori dela uste dut, nire irakasleak esaten zuen moduan, “bizitza ez da arrosa kolorekoa, eta sentimenduak ortzadarraren koloreetan garatzen dira”; poztasuna, tristura, nekea, damua, ilusioa…

Primeran gogoratzen ditut nire haurtzaroko eskola garaiak, 5 eta 6.mailak adibidez, bai izaeran eta bai ikasterako orduan ere aldaketa onuragarriak besterik ez zizkidan ekarri, eta hau guztia Joseba irakasleari zor diot, orain arte izan dudan irakaslerik onena baita. Berak erakutsi zidan niregan konfiantza izaten, berak ulertarazi zidan benetan baliotsuak diren gauzak miresten, eta nola ez, berarekin ikasten ikasi nuen.  2.maila berriz, irakaslearen ondorioz, inoiz pasa dudan kurtsorik gogorrena izan zen. Gurasoek eskolara joateko esnatzen nindutenean, etxean gelditu nahi nuela esaten nien, ez nuen eskolara joan nahi, ez nuen irakaslea ikusi nahi… Baina momentu txarrak ere pasatu egiten dira, eta azken finean, esperientzia txar horretatik gauza asko ikasi nituen, oso gaztea izan arren. 

Ziur nago bost aste hauetan ortzadarraren kolore guztietara iritsiko naizela, eta espero ez ditudan amaika gertakizun biziko ditudala; baina horregatik, urriak 14 iristeko irrikatan nago.

AURKEZPENA

Kaixo!

Karmele Cipitria naiz, 18 urte ditut eta Zumarragan bizi naiz. Magisteritza ikasten ari naiz, zehazki, Lehen Hezkuntzako gradua Donostian. Bihar, Urriak 14, nire lehenengo praktikaldiari hasiera emango diot La Salle-Legazpi ikastolan.

Nire txikitako eskola denez, bertako irakasleak ezagutzen ditudanez eta beraiekin dudan harremana nahiko ona denez, ez nago batere urduri, izan ere, praktikaldia hasteko irrikitan nago. Hilabete honetan, umeekin kontaktuan egoteko nahia eta unibertsitateko teorian ikasi dudana praktikan jartzeko gogoa dut.

Sarrera hau idazten hasi baino lehen, besteen sarrerak irakurri ditut eta batzuk esan dute, praktikaldi hontan egiaztatuko dutela ea benetan gustazten zaien ogibide hau. Nire kasuan nahiko argi daukat, umeekin kontaktuan denbora asko daramatzatelako, izan ere, betidanik gustatu zaizkit umeak, partikularrak eman ditut eta aisialdiko begirale titulua ateratzen ari naiz.

Kaixo, Ainhoa Cruz naiz eta Ermuan bizi naiz. Nire praktikak Eibarko San Andres eskolan egingo ditut, 2. mailan. Ermuan ezin ditzaket egin, Bizkaia delako eta Gipuzkoan egin behar direlako.

Oso interesatuta nago praktikak egitearekin, orain ikusiko dudalako eta konprobatuko dudalako benetan ofizio hau gustuko dudala edo ez, eta, nik uste dut gustatuko zaidala, izan ere, asko gustatzen zait nik dakidan guztia beste pertsona ezberdinei helaraztea.
Asko gustatzen zait haurrekin egotea, eta, betidanik argi eduki dut irakaslea izan nahi nuela, batxilergoan hainbat gorabera izan arren gai honen inguruan.

Aisialdirako monitore titulua atera berri dut, eta, udan praktikak egin nituen, haur txikiekin, eta, oso esperiantzia polita izan zen niretzat: Haiek nagusiengandik ikasten duten aldi berean, gu haiengandik ikasten dugu, hain txikiak izan arren, gauza askotaz jabetarazten zaituzte.

Ni Miren Agüero naiz eta San Andres ikastetxean egingo ditut nire lehenengo praktikak. Egia esanez, hilabete zoragarria izatea espero dut. Hilabete honetan nik benetan zer nahi dudan izatea konfirmatzea espero dut. Gainera, metodo didaktiko berriak ikastea gustatuko litzaidake, beraz, nire tutoreak metodo tradizionala ez erabiltzea espero dut. Bestetik, unibertsitatean emandako teoria guztia benetako egoeretan aplikatzen jakitea espero dut, hau da, teoria eta praktika uztartzen jakitea. Azkenik, nire puntu ahuletaz ohartzea eta haiek lantzea espero dut, adibidez, lotsa lantzea.

Hasieran, nik ez neukan argi zer ikasi, nahiko galduta nengoen. 2017an, lagun batek boluntariotza batean parte hartzeko aukera proposatu zidan, eta nik baiezkoa eman nuen. Gaur egun jarraitzen dut “Atzegi” taldearekin lan egiten, ezgaitasun mentalak dituzten pertsonek osotzen dute. Beraz, esperentzia hau probatu ondoren, oso argi neukan heziketa berezia egin nahi nuela.

Nire haurtzarora bidaiatzen badugu, oroitzapen ederrak etortzen zaizkit burura. Nire gurasoek kontatu didate, LHko lehenengo maila hasi aurretik, kurtso horretako liburuak erosi eta gero, etxean nengoela, ohean sartuta, bat batean negarrez hasi nintzela. Nire gurasoak segituan niregana joan ziren eta zergaitik egiten nuen negar galdetu zidaten, malkoz beteriko aurpegiarekin erantzun nien “Ezin naiz klasera joan, ez dakit irakurtzen eta erositako liburu guztiak letraz beteta daude”

Aurkezpena

Kaixo!

Aiora Eizmendi naiz, 22 urte ditut eta Lehen Hezkuntzako gradua ikasten ari naiz. Batxilergoa amaitu ondoren, goi mailako administraritzako zikloa ikastea hautatu nuen. Bi urteko ziklo hura amaitu ondoren ordea, benetan ikasi nahi nuena Lehen Hezkuntza zela ohartu nintzen, beraz, nituen aukerak aztertu eta administrari modura egiten dudan lanarekin bateragarria zela ikusita, gradu hau ikasten hastea aukeratu nuen.

Datorren astean, Zestoako Herri ikastolan hasiko dut nire praktikaldia. Urduri eta aldi berean gogotsu nago esperientzia berri hau bizitzeko, garai batean nik haurraren paperetik bizi izan nuena irakaslearen paperetik probatzeko. Nik, herri txiki batekoa izanik, lehen hezkuntzako garian bizi izan nituen urteak oso bereziak izan ziren, familia txiki  bat baitzen urteen poderioz osatu genuena. Hau horrela, Zestoako ikastolan ere antzeko sentsazio bat topatzea espero dut.

Praktikaldiko aste hauei esker, ikasirikoa praktikan jartzeaz gain, irakasle bezala nola sentitzen naizen eta nirekin bat ote datorren ikustea da nire helburua.

Aurkezpena

  Kaixo!

  Nora Aranguren Larrañaga naiz, 19 urte ditut eta Zestoan bizi naiz. Lehen Hezkuntzako gradua ikasten ari naiz eta datorren astelehenean, hilaren 14-ean zehazki, nire lehenengo praktika aldiak burutuko ditut Zestoako Herri Ikastetxean.

  Urduritasuna eta aldi berean emozioa sentitzen ditut nire barnean. Eskola horretan ikasi nuen nik eta bizitako esperientzia guzti horiek ahaztezinak gertatzen zaizkit. Modu berezi batean ikasten genuela esan dezaket, jolas baten barnean murgildurik bageunde bezala eta hori da hain zuzen nire herriko ikastetxea berezi bilakatzen duena.

  Berezitasun horri esker erabaki dut ikastetxe honetara itzultzea, baina oraingo honetan ikasle izan beharrean irakasle rola hartuko dut. Esperientzia berri bat bizitzeaz gain, nire 5 aste hauetako helburua irakasle paperean sartu eta ea benetan nirekin bat datorren ziurtatzea izango da.

Kaixo!!

Ni Alex Larrañaga naiz, eibartarra eta 19 urte ditut. Hurrengo astelehenean nire lehenengo praktikak hasiko ditut Eibarko San Andres eskolan.
Oso pozik nago eskola horretara joango naizelako, izan ere, nire lehengusina or ikasten du.

Praktiketan egongo naizen hilabete honetan, klasean ikasitakoa praktikan jartzea espero dut. Horrez gain eskoa bat  barrutik nola funtzionatzen duen ikusi nahi dut eta izango den nire lanbideari buruz gehiago jakin.

Nire aurkezpena

Kaixo, Marta Aznal naiz eta 19 urte ditut. Deban bizi naiz eta Lehen Hezkuntzako magisteritza ikasten ari naiz Donostian. 

Hurrengo astean, urriak 14 ean, nire lehen praktikaldiak hasten dira Debako Luzaro ikastetxean eta oso pozik nago bertan ikasi nuelako txikia nintzenean.  

Praktikaldi hauetatik espero dudana, lehenik eta behin, ikasten ari naizena praktikara eramateko orduan, lanbide hau benetan gustatzen zaidan ala ez ikustea da. Unibertsitatean teoriaz ikasten dugun guztia, praktikara eramateko gogo handia dut eta gainera, haurrekin kontaktu zuzenean aritzeko ere. Ikastetxe bateko eguneroko arazoak zeintzuk diren ezagutu nahi dut eta horren aurrean irakasle batek nola jokatzen duen ikusi. 

Espero dut, praktikaldi lasaiak baina episodioz beteta izatea. Ahal dudan guztia ikasi nahi dut, izan ere, hilabete batean ez dugu askorako denborarik izango eta maximora aprobetxatu nahi dut. 

Lehen sarrera: aurkezpena, oroimenak, ...

Kaixo, arratsalde on:

Bileran komentatu bezala, bakoitzaren aurkezpenarekin estreinatuko gara. Aurkezpen honekin batera zuen Lehen Hezkuntza garaiko oroitzapenak kontatzen badituzue, pasadizoren bat, oroimen berezia, ... zoragarri.

  Aukeratu nahi duzuen formatua, sormena gaitasun handia dela gogoratuz.  Testu idatziaz haratago, bideo grabazioak, elkarrizketa formatua, marrazkien bidez, ...

   Azaldu zein zaren, zer dela eta zauden hemen, zer espero duzun lehen praktika egonaldi honetik eta abar.

   Bi etiketa, ez ahaztu: 

#Aurkezpena,    #Izen Abizena