IKASKETA PROZEDURAK

Ikasgela barruan erabiltzen zen bai arbela digitala, bai arbela tradizionala eta normalean ere erabiltzen zuten liburuak, baina ez nik erabiltzen nituen liburuak, hauek askoz finagoak dira.

Arbela digitala erabiltzen zen gehiago hizkuntzak irakasteko orduan, hau da, ingelesa, gaztelania eta euskara ikasgaietan, aldiz, tradizionala erabiltzen zen matematikan, ingurunen, plastikan…

Gela saioetan normalean zegoen denbora gela barruan zenbait ariketak egiteko. Irakasleek saiatzen ziren talde lana sustatzen, horrezkero, zenbait estrategia/teknikak erabiltzen zituzten. 

Estrategia desberdinak dira: 

Nire ustez estrategia hauek oso egokiak eta erabilgarriak dira, baina, esan beharra dago umeek ez zituztela behar bezala aplikatzen, hau gertatzen zen batzuk ez zutelako inplikazio maila berdina eta egozentrismoarengatik (batzuk uste zuten indibidualki emaitzak hobeagoak lortu behar zutela). Baita ere, batzuetan estrategia hauek ez zuten funtzionatzen ikasleen seriotasun faltarengatik.

Azterketei begira, irakasleak aste bat lehenago abisatzen zieten ikasleei eta hobe zutela errepasatzen hasi. Azkeneko klasean azterketa izan aurretik, irakasleak, errepaso moduan,  azaltzen zituen zer nolako galderak atera behar ziren azterketan.

Gaztelaniako azterketa batean, ez zuten emaitzak oso onak izan, ondorioz, irakasleak izan zuen hizketaldi serio bat haiekin esanez, erraztasun gehiegi ematen ari gaudela gaurko umeei. Ondoren nire burua jarri zuen adibidez, azaltzeko nolakoak ziren nik egiten nituen azterketa, egia esanda askoz zailagoak zirela eta ez zaizkiguten hainbat erraztasunak ematen. Nik guztiz ados nago, irakasleak esan zuenarekin. Geroz eta gutxiago eskatzen zaie umeei, baina hori, nire iritzia da, agian okertuta egon naiteke.

Kaixo!

Oraingoan ikastetxeko ikasketa-prozedurei buruz hitz egitea tokatzen da eta esan beharra dut, gaur egun soraluzeko ikastetxean erabiltzen diren ikasketa prozedurek asko arritu nautela. Izan ere, ni ikastetxe honetako ikaslea nintzenetik hainbat aldaketa egon dira atal honetan.

Lehenik eta behin, gai honi buruzko gauza esanguratsuenetako bat da ez dutela libururik erabiltzen, beste garai batzuetan ezbezala. Proiektuka egiten da lan. Hiruhilabete bakoitzerako, ikasleek, beraien gustoko gai bat erabakitzen dute eta gai hori izango da hiruhileko horretan egingo dituzten lan gehienen abiapuntua. Hortaz, irakasleak gai horren inguruko fitxak eta ariketa ezberdinak prestatzen ditu. Hiruhileko bakoitzaren amaieran gai horrekin zerikusia duen "lan handi" bat egiten dute, adibidez, orain sukaldaritza ari dira lantzen eta ikasleen eta irakaslearen artean erabaki dute azkenengo asteetan sukaldaritza programak grabatuko dituztela.

Bestalde, aurretik idatzi nuen bezala, lauko eta bosteko taldeetan daude banatuta gelan ikasleak. Horren helburua da ikasleek taldeka lan egiten ikastea eta beraien artean laguntzea. Hala ere, batzuetan lan indibidualen bat egin behar badute gelan zehar (gelako mahai guztiak aprobetxatuz) banaka egiten dute lan.

Oso interesgarria iruditu zaidan zerbait matematika ikasteko erabiltzen duten metodoa da. Regleten bidez ikasten dute matematika ikasleek. Aurretik esan bezala, ikasleak taldeka daude banatuta eta talde bakoitzak regleta kaxa bana du. Zer dira regletak? Regletak tamaina eta kolore ezberdinetako egurrezko zatiak dira. Regleta txikienak 1 zenbakiaren balioa du, 2 zenbakiari dagokion regleta 1 zenbakiaren regletaren bikoitza da, 3arena hirukoitza...horrela hamarrera arte. Gero, 10eko hamar regletaren tamaina duten regleta batzuk daude, 100en balioa dutena eta berdin milakoekin. Orduan, matematikako ariketak egiterako orduan, arkatzarekin koadernoan egin beharrean, regletak mahai gainean jartzen joaten dira beraiek nahi dituzten zenbakian lortuz.

Oso metodo ona iruditzen zait regletena, horrela eragiketak buruz egiteko erraztasun handiagoa lortzen dela uste dudalako.

                                              IKASKETA-PROZEDURAK

Asteak aurrera joan ahala, oraingoan, ikasgelan erabiltzen diren ikasketa-prozedurei, baliabide didaktikoei eta estrategia metadologikoei buruz idatzi eta komentatuko dut.

Honen ildotik, aipatzekoa da ikasleak taldeka eserita daude, hau da, honekin, talde-lana eta elkar laguntzea bultzatu eta sustatu nahi dela ikus dezaket. Esate baterako, taldekide batek ariketa bat egiteko orduan zailtasunak erakusten baldin baditu, talde barruan beraien artean lagundu eta gauzak azaldu ditzakete. Estrategia honekin, talde-lana sustatzeaz gain, beraien arteko harremana ere sendotu eta hobetu egiten dela ikusi dut.


                                          


Horrez gain, oso garrantzitsua iruditzen zait ere liburuen gaia aipatzea. Izan ere, konpetentzia guztietan liburuak erabiltzen dituzte eta askotan irakaslearen azalpenak entzun ondoren, liburuko ariketak eginarazten zaizkie ulertu duten ala ez konprobatzeko, nahiz eta momentu gutxiagotan bada ere, ahoz jolasen bitartez edota irudiak ikusiz, hitz eginez... erakusten zizkien gauza berriak.

Metodo edo erakusteko eta ikasitakoa konprobatzeko modu honekin, haurren benetako ikaskuntza neurtzen ez dela uste dut, izan ere, gehienetan liburuko ariketak gaizki egiteak ez du esan nahi ulertzen ez dutenik. Izan ere, aste hauetan konprobatu ahal izan dut, askotan, zein garrantzitsua den liburuko ariketak alde batera lagatzea eta hitz eginez eta metodo desberdinak (jolasak, argazkiak...) erabiliz irakastea. Adibidez, nire ikasgelan Egipto gaia ikasten ari dira liburu batekin, baina momentu askotan liburua alde batera uzten dute eta Egiptoko argazkiak ikusiz eta abesti batekin irakasten die irakasleak. Horrela, haurrak arreta eta interes gehiago jartzen dutela ikusi dut eta, gainera, ariketan eginez baino errazago ikasten dutela ere bai.

IKASKETA-PROZEDURAK

Kaixo!

Amaitu dugu praktiketako hirugarren astea ere eta honekin batera gure laugarren sarrera idaztea egokitzen zaigu. Oraingo honetan ikasketa-prozedurei buruz idatzi behar dugu.

Hasteko, esan nahiko nuke nire ikastolako metodologiaren arabera umeen autonomia landu nahi dutela. Ikasleak zenbait baliabide dituzte hori garatzeko. Ni batik bat, Natur Zientzi eta Gizarte Zientzietako ikasgietan egoten naiz. Bi ikasgai hauetan ikasleek beraien eginbeharrak ikusteko ikasgelako kortxoan orri bat dute eskegita. Dudarik izanez gero, beraien ikaskideei galdetzen diete zer egin behar duten eta inork ez badu ulertzen, irakaslearengana joaten dira.

Material didaktikoari dagokionez, fitxak, ordenagailu eramangarriak eta arbel digitala erabiltzen dituzte. Esan beharra dut, ikastolan metodologia hau aurten aplikatu dutela eta ondorioz etengabe materia berria lantzeko materiala sortzen ari direla. Izan ere, irakasleen helburua ikasleek modu manipulatiboan ikastea da. Hain zuzen ere, uste dute modu horretan ikasten dutela gehien eta errazen. Ordenagailuei dagokionez, esan beharra dut oso gustura egiten dutela lan tramankulu hauekin. Gainera, gehienetan, jokuak egiten dituzte lantzen ari diren gaiaren inguruan eta nik uste dut ikasteko modu eguko eta dibertigarria dela.

Gauzak horrela, esan nahiko nuke asko gustatzen ari zaidala ikastola honetan duten metodologia eta ikasleak erraztasunarekin ikasten dutela uste dudala. Hori gutxi ez, eta egiten ditutzten talde lanen bidez uste dut umeek asko ikasten dutela eta gehien kostatzen zaienek ere gauzak errazago egiten dituztela besteen laguntzarekin.

Ikasketa-prozedurak

Kaixo!

Praktikaldiaren erdia baino gehiago pasa zaigu konturatu gabe eta egunero gauza berriak ikasten ari naizela iruditzen zait. Ikastetxeko ikasketa-prozedurak behatzeko nahikoa izan nuen lehenengo egunean ikasgelara sartu eta ikustea nik ikasi nuen metodoarekin antzik ez zuela.

Ikastetxe honetan Amara Berri sistema dute, beraz ez dute libururik. Metodologia honetan txokoetan egiten dute lana, beraz, ikasleak talde txikitan esertzen dira. Ikasgelan 16 haur ditut eta gai bakoitzean 3 edo 4 txokotan banatzen dira, bakoitzean atal ezberdin bat landuz (adibidez, matematikako txokoak hauek dira: neurri tailerra, diseinutegia, problemak eta kontularitza, guztiak jolas txokoarekin txandakatuz).

Esan bezala libururik ez dute beraz, klasera heldu orduko ikasle bakoitza bere txokoan esertzen da eta egin behar duen lanari ekiten dio. Bakoitzak bere koadernoa du eta txoko bakoitzerako karpeta bat dute ariketa guztiekin. Bertako ariketa bat hartu eta lan metodoa jarraituz ariketa egiten dute, zuzentzen dute eta ondoren irakasleak zuzentzen die. Lan metodoa ikasleek jarraitu beharreko pausoak dira, adibidez:

1- Irakurri ariketa eta ez baduzu ulertu, jarraitu irakurtzen ulertu arte.
2- Pentsatu nori idatzi nahi diozun gutuna.
3- Pentsatu zer den esan nahi diozuna.
4- Idatzi ezazu gutuna.
5- Zuzendu ezazu puntu hauek jarraituz...
6- Irakaslearekin zuzendu.
7- Garbira pasatu.

Beraz, honek ikasleak modu autonomo batean lanean aritzea sustatzen du, klasera heltzen direnean beraien lana zein den badakitelako eta, lan bakoitza amaitzen dutenean, kontrol orrian apuntatuko dute zein den egin duten lana. Beste sarrera batean esan bezala, 3. eta 4. mailako ikasleak nahasturik daude ikasgeletan, zikloetan banatzen direlako. Txokoetan maila bakoitzeko 2 egoten dira gutxigorabehera, eta horrela beraien artean laguntzea lortzen dute. Normalean laugarren mailakoek ariketa hauek eginak izango dituzte eta horrela hirugarrengokoei lagunduko diete gauza berriak ikasten, bientzat aberasgarria izango den berdinen arteko ikasketa emanez. Denbora bat pasa ondoren talde bakoitza txokoz aldatzen da, ez da arlo guztietan berdina izaten, bakoitzean denbora kantitate ezberdina behar baitute ondo lantzeko.

Baliabide didaktikoei dagokienez, ikasgela guztietan arbela, arbel digitala, tabletak eta ordenagailuak dituzte. Hauei erabilpena ordea ez da hain handia, batez ere arbel digitala ia ez dutelako erabiltzen, ingelesean erabiltzen ikusi dut baina oso gutxi. Aldiz arbel normala, erabiltzen dute, bai irakasle eta bai ikasleek, noizbehinka azalpenen bat emateko edota aurkezpenen bat egiteko erabiltzen dituzte. Txoko askotan ordenagailuarekin egin beharreko lanen bat egoten da, horrela IKT-en erabilpena sustatzeko asmoz, baina nahiz eta tabletak egon, ez ditut ikusi hauek erabiltzen.

Ikaskuntza tradizionalean ez bezala, talde bakoitzak ikasgela bat izan beharrean, gelak arlozka doaz, beraz ikasleak dira gelaz gela mugitzen doazenak. Gehienak korridore berdinean dituzte beraz ez dute ikastetxean gora eta behera ibili behar. Berriro ere konparazio bat eginez, irakaslea ez da ia inoiz ikasgela guztiaren aurrean jartzen klasea emateko, gidari lanetan aritzen baita. Ikasleek eskua altxatzen dutenean hau laguntzera joaten da banan- banan azalpenak ematen, txoko guztietatik pasatuz. Honekin lehen esan dudan autonomia hori ikus dezakegu, ikasle bakoitzak behar duenean eskatzen diolako laguntza irakasleari. Baina honekin arazo bat ikusten dut, nahiz eta oso ondo planteatuta ikusten dudan ikasleek lana beraien kabuz egitea eta beraien artean laguntzea, askotan, ezer egiteko gogorik ez dutenek ez dute egingo eta atzean geratuko dira. Egia da metodologia honekin guztiak ez doazela erritmo berdinean eta ez zait beharrezkoa iruditzen, baina batzuk ez dute nahi aurrera joan eta ataskaturik gelditzen dira. Honetarako, matematikan esate baterako, errefortzu klaseak deiturikoak izaten dituzte, astean behin ikasten ari direna errepasatzen dute bai irakaslearekin, edo bai beraien kabuz. Hau modu batera edo bestera izan daiteke atasko horri aurre egiten laguntzen diona.

Ohiko gaiez gain, harritu nauten bi ikusi ditut, alde batetik NIA eta bestetik irakurketa. NIA, balore sozialak da, eta bertan beraien autoestimoa eta errespetua lantzen dituzte. Oso gai interesgarria iruditu zait eta ni lehen hezkuntzan nengoenean horrelakorik ez genuen eta agian faltan bota nuen. Irakurketa gaian, izenak esan bezala irakurri egiten dute, ez dut denbora askorik izan hau ikusteko baina gai garrantzitsua dela ikusten dut.

Bestalde, ikasgaiak alde batera utziz, astean bi alditan irratia izaten dute (3. ziklokoek egiten dute zatirik handiena) entzumena lantzeko. Hau entzun eta albisteak zein diren idatzi behar dute, irakasleak arbelean laguntzen dien bitartean. Aldizkari bat era badute, (hau ere 3. ziklokoek egina) Gaztegiro izenekoa, jolas ezberdinak eta albisteren bat agertuz.

Guztia laburbilduz esan dezaket metodologia hau asko gustatzen zaidala, ikasle bakoitzak asko pentsatu behar duelako eta ez diotelako guztia eginda ematen. Txokoetan esertzearen alde on ugari argi ikusten dira, batez ere beraien artean laguntzea eta autonomia. Nahiz eta alde txarren bat izan dezaken, pertsonalki ongi funtzionatzen duela esan dezaket eta neuk ikasi nuen modua baino askoz aurreratuagoa da. Nola hobetu pentsatzen jarriz gero, ez nuke jakingo zer aldatu edo nola aldatu, zerbait emateko beste zerbait kendu beharko niolako eta egia esan, orekan ikusten dut metodologia hau.

Hemen lan metodo baten argazkia:

Ikasketa-prozedurak

Kaixo!

Hirugarren astea bukatuta, gero eta gutxiago gelditzen da Practicum-a bukatzeko eta konturatu egin naiz hiru aste hauetan, asko ikasi dudala. San Andres eskolan erabiltzen duten metodologia oso berria delako niretzat eta medologia honetaz eta nire tutoreaz asko ikasten ari naizelako

Ikasketa prozedurei dagokienez, San Andres eskolan metodologi berriak erabiltzen dituzte, "Hik ikasi" aldizkariaren laguntzaz. Eskolan ez dituzte liburuak erabiltzen baizik eta irakasleek emandako fitxak. Gainera ia ez daukate irakasgairik, bakarrik Ingelesa, Gorputz Hezkuntza, Musika, Informatika eta Gaila izeneko bat. Gaila izeneko irakasgaian, tutorearekin egoten dira klasean eta tutoreak proposatzen duena egiten dute.  Urte hasieran, ikasleek urtean zehar landu nahi duten gai bat aukeratu behar dute. Aurten seigarren mailakoek, gaixotasunak aukeratu dituzte. Astean 18 ordu egoten dira Gaila lantzen.

Behin gaia aukeratuta, ia ordu guztietan gaixotasunekin zer ikusia duten lanak egiten dituzte, besteak beste, ingelesean elikadurari buruzko testuekin lan egin, gaixotasun desberdinei buruzko aurkezpenak egin gaixotasun desberdinak ikasteko edo txertoei buruzko matematikako ariketak egin. Horrez gain, gurasoentzat, antzerki bat  eta gaiari buruzko aurkezpen handi bat ere prestatzen dute. Noizean behin adituak etortzen dira klase aurrean hitz egiteko adibidez, odol emaileak, herizain bat eta Ane izeneko sendagile bat. Umeek haiek dituzten galderak egiten dizkite gero erantzunak jasotzeko eta gauza berriak ikasteko.

Laguntza gehiago behar duten pertsonentzat, bazkaldu baino lehen, Bidelaguneko irakasle bat etorri egiten da laguntza moduan. Egunero 40 minutu egoten dira berarekin eta hurrengo klaseetan egingo diren lanei buruz hitz egiten dute edota haiek dituzten galderak erantzun.

Ikasketa- prozedurak

Kaixo guztioi, gaurkoan eskolako ikasketa prozedurei buruz idatziko dizuet. Deba herri txikia denez, Luzaro ikastetxea ere txikia eta oso herrikoia da, beraz, metodologia nahiko tradizionala erabiltzen dute, hala eta guztiz ere, badituzte ikasgela guztietan proiektoreak eta pantaila taktilak liburuez gain.

Normalean lanerako liburuaz edo irakasleak emandako fitxez baliatzen dira lana egiteko, horrez gain, irakasleak praktikotasunera eramaten saiatzen dira objektu ezberdinak erabiliz, matematikan adibidez, hamarren familiarekin ari garenez, makiltxoekin hamarreko taldeak egin behar dituzte eta honela era dibertigarriagoan ikasten dute haurrek.

Irakasleak ia egunero fitxa bat banatzen du etxean egin dezaten, beraz, orokorrean etxeko lanei garrantzia ematen diote. Ondoren, hurrengo egunean gelara ekartzen dute eta irakasleak jasotzen ditu haien lana baloratu eta garapena ikus dezan. Guztiak begiratu ondoren, berriz banatzen ditu baina ez dio bakoitzari esaten zer duen gaizki eta zer ondo denen haurrean, normalean oso gutxitan dituzte akatsak gurasoen laguntzaz egiten dituztelako etxeko lanak.

Gainera, aurrez esan nuen bezala, 4ko taldetan daude banatuta gelan eta talde guztietako kideak ardura bat dute. Ardurak hauexek dira: isiltasunaren arduraduna, bozeramailea, materialaren arduraduna eta idazkaria. Modu honetan, bakoitzak betebehar bat du eta irakasleak botere bat ematen dio bakoitzari, honela, beraien ¨lana¨ seriotasunez hartzen dute eta ikasten dute nola eraman rol bakoitza. Ardura hauei garrantzia handia ematen diegu bai tutoreak eta nik haiek ikusi dezaten benetako lana dela eta haiek beraien lana betetzean gainontzekoek kasu egin behar diegula eta alderantziz, guk gure lana egiten ari garenean beraiek ere kasu egin behar digutela.

Irakasgaiez gain, gelan jolasak ditugu, eta gelakideak apur bat astoratuta daudenean edo azken ordua gelditzen denean jolasekin jolasten dugu ( partxisa, xakea, puzzleak...) edota patiora joaten gara sokasaltoan edo jolas libreetan jolastera. Era honetan, deskonektatu egiten dute gelako dinamikatik eta ondo pasatzen dute elkarrekin. Garrantzia handia ematen diogu honi, ordu hauetan saiatzen gara denok denokin jolastu dezaten eta elkar ezagutu dezaten denok lagunak izateko eta inor ez gelditu daiten bakarrik.  Jolasez gain, burua erlaxatu dezaten tutoreak ipuinak ere irakurtzen ditu eta haurrek gustora entzuten dute isiltasunez.

Bukatzeko, aste honetan txanelan ikusi duten denbora makina bat egiten ari gara, eta guztiok batera margotu eta apaintzen dugu, talde bakoitzak etxetik materiala ekarri behar zuen eta guztiok ekarri dute. Normalean, lana egin ondoren denbora soberan dugunean apaintzen dugu.


Hurrengorarte.

IKASKETA-PROZEDURAK

Kaixo!

Jada igaro da praktiketako hirugarren astea. Ikasleekin dudan erlazioa gero eta hobea eta konfiantza gehiagokoa da, beraz, ikaragarri gustura nabilela esan beharra daukat. 

Hirugarren astea igarota, Zestoako herri eskolako ikasketa-prozedurei buruz hitz egiteko unea iritsi da. Aurreko asteetan aipatu bezala, Zestoako eskolan Amara Berri metodoa aplikatzen da, beraz ikasketa moduak erabat ezberdinak dira nik haurretan bizi izan nituenekin alderatuta. 

Lehenengo esan, Zestoan ikasleek ez dutela materialik erosi behar izaten, eskolan ematen baitizkie erabili beharreko koadernu, boligrafo, arkatz, borragoma... bezalako material guztiak. Honela, materiala zaintzen eta partekatzen ikasten dute haurrek.

Aurrekoan azaldu bezala, ikasgai bakoitzerako gela ezberdinak erabiltzen dituzte haurrek. Hau dela eta, material didaktikoei dagokienean, gela bakoitzean dagokion gairako beharrezko diren material guztiak aurki daitezke, esate baterako, arbela, tabletak, mp3ak, ordenagailu portatil txikiak, proiektorea, ordenagailua, haur bakoitzaren koadernua, arkatzak, borragomak, hiztegiak, ipuinak eta beste hainbat materaial. Hauek guztiak, haurren eskuragarri daude eta edozein momentutan erabil ditzakete, beti ere irakaslearen baimenarekin eta txandak errespetatuz.

Honez gain ikaslgela bakoitzean dauden txoko ezberdinetan beharrezko material guztiak dituzte. Gai bakoitzean lau edo bost txoko ezberdinetatik pasatzen dira haurrak taldeka. Hauetan, dagozkien lanak burutzen dituzte gune bakoitzean dituzten fitxak erabiliz (ez dute testulibururik). Matematikan adibidez, txoko bat problemei dagokiona da, besteak geometriari, jolasei... dagozkienak. Txoko hauetako bakoitzean jarraitu beharreko lan metodo bat dago eta haurrek betiere honi jarraituta, planteatzen zaizkien ariketa edo problema ezberdinak ebazten saiatu behar dute. Behin hau eginda, zenbait txokotan, zuzenketa plantilak dituzte emaitzak ondo dauden egiaztatu eta eurek, euren lanak zuzendu ahal izateko. Beste batzuetan berriz, irakasleari eman behar izaten dizkie ea prozedura egokiak jarraitu dituzten ikusteko. Ariketa bakoitza amaitzean, ikasle bakoitzak duen kontrol orrian eginikoa apuntatu eta ariketa karpetan artxibatzen du, horrela haur bakoitzak bere lanen jarraipena egin, txukuntasuna zaindu... egiten du.

Irakasteko moduari dagokionean, irakaslea txoko batetik bestera ibiltzen da haur bakoitzari dituen zalantzak argituz, baina ez dute azalpen orokorrik ematen. Haurrek autonomia osoa dute lanak egiterako garaian (lan metodoa jarraituz eta txokoko ikaskideekin zailtasunak kontsultatuz esaterako) eta zailtasunen bat agertzean jotzen dute irakaslearengana. Hau dela eta, irakaslearen azalpenak haur bakoitzari egokituak izaten dira. 

Atal honetan aipatu gabe utzi ezin den beste gauza bat Gaztegiro aldizkariarena da. Hau, ikasleek ikasgai ezberdinetan egiten ditzuten ariketekin osatutako asteroko aldizkari bat da. Esaterako, euskarako denborapasen txokoan egiten dituzten hizki-zopak, asmakizunak, hieroglifikoak... argitaratzen dituzte aldizkari honetan. Hau dela eta, lanak egiterako garaian haurrek jartzen duten gogoa eta motibazioa ikaragarria da, izan ere, aldizkaria osatzean, eskolako haur guztiei banatzen zaie etxean egin dezaten.

Kaixo!

Hirugarren asten gaude eta gero eta zoragarriagoa iruditzen zait lanbide hau, oso gogotsu joaten naiz egunero. Sarrera honetan ikasketa prozedurei buruz hitz egin behar dugu.

Lehenengo sarreran aipatutako moduan, San Andres eskolak ez du metodo tradizionala erabiltzen, hau da, irakasleak gaia azaltzen du, ondoren irasleek ariketa batzuk egiten dituzte eta egunero etxeko lanak bidatzen dituzte. Ez, San Andres eskolak ez du horrela funtzionatzen, honetan, proiektuka lan egiten dute, beti ere, curriculumean agertzen diren konpetentziak jarraituz. Lehengo maian garraioak dira jorratu beharreko proiektuaren gaia. Garraiobidetaz baliotuz, matematikako, hizkuntzako, naturako… arloak jorratzen dituzte, andereñoak gidari moduan jarduten du. Umeek ez dute libururik erabiltzen, irakasleak emandako fitxekin lan egiten dute. Gainera, ia denbora guztian lurrean eserita daude, borobil bat osatuz, baina zer edo zer idatzi behar dutenean, mahietara joaten dira. Mahiak taldeka antolatuta daude, nahiz eta fitxa guztiak ez izan talde lanetakoak, taldeka daude jarrita berain artean lagundu ahal izateko.

Lehengo maia honetan, komunikazioari garrantzi handia ematen diote, bai ikasle-ikasle bai irakasle-ikasle arteko komunikazioa.

Aurreko sarreran aipaturiko zirkulazio libre horretan (ZL) umeek nahi duten jolasa aukera ditzakete, eta ondoren, txoko horretan egindako lana bukatzerakoan, ume bakoitzak zer, nola eta zergatik egin duen azaldu behar du klase guztiaren aurrean. Txokoetako lanari dagokionez, talde bakoitzak fitxa bat dauka, taldeen artean ez dira inoiz fitxak errepikatzen egun berean, saio bakoitzean umeek haien klasekideak pasaden egunean egin dituzten fitxak egiten joaten dira.

Aipatu dudan moduan, txokoetako lanak, banaka dira, ikasle bakoitzak bere fitxa du, berriz, proiektu saioan egindako lanak taldeka dira; bai talde handian, talde txikietan edo binaka.

Etxeko lanei dagokionez, bakarrik asteartetan eta ostiraletan daukate, eta normalean, fitxa bakar bat eramaten dute, eta oso errezak izaten dira.

Material didaktikoei dagokionez, arbel digitala (oso gutxitan) eta fitxak erabiltzen dituzte.

Esan bezala, komunikazioa pisu handia dauka, baina liburutaz gozatzea lortzea ere helburu oso garrantzitsua da. Horregatik, ostiralero, ume bakoitzak liburu bat eramaten du etxera irakurtzeko eta astelehenean bueltatu behar du. Hori gutxi balitz, astean behin tokatzen zion umeari liburutegira joan behar da eta Bularretik Mintzora taldearen liburu bat hartu behar du, etxean irakurri behar du eta eta astelehenean klasean “laburpen” txiki bat egin behar du. Ondoren, andereñoak ozen irakurtzen du ipuina. Azken hau, hurrengo sarreran hobeto azalduko dut.

Hau guztia esanda, nik uste dut, eskola honetan erabilitako metodoa oso eraginkorra dela eta irakaskuntza-ikaskuntza arinagoa dela metodo hau erabiliz.

IKASKETA-PROZEDURAK

  Kaixo guztioi!

  Heldu zaigu praktikaldietako 3. astearen amaiera. Nahiz eta aurrekoekin alderatuta aste laburra izan, esperientzia berriz eta emozioz beteriko astea izan da honako hau ere. Gaurkoan, ikasgelako baliabide didaktikoei, ikasketa prozedurei eta estrategia metodologikoei buruz hitz egitera hurbildu natzaizue. 

  Aurreko ataletan aipatu bezala, nire ikastetxea Amara Berri sisteman oinarrituta dago eta esan beharra daukat sistema hau asko aldentzen dela hain ezaguna den sistema tradizionaletik. Jarraian azalduko dizuet Amara Berrik ikasleei eskaintzen dien ikasketa prozesuaren nondik norakoa. 

  Material didaktikoei dagokienez, ikasgelan arbelak, ordenagailuak eta tabletak erabiltzen dituzte. Normalean, arbela, irakasleek erabiltzen dute (oso gutxitan), baina ikasleek aurkezpenen bat burutu behar dutenean erabil dezakete. Ordenagailuak eta tabletak aldiz, denen eskura daude uneoro eta behar dutetean erabil ditzakete, betiere irakaslearen baimenarekin. Eskolan lan egiteko erabiltzen duten materialaren inguruan ere aipamen bat egitea gustatuko litzaudake. Oso ohikoa ez den arren, Zestoako Ikastetxean, ikasleek behar duten material guztia dute eskura. Koadernoak, arkatzak, boligrafoak eta bestelako materiala eskolan bertan dute eta beraz, ez dute ezer erosi behar. Honi esker, ikasleek materiala zaintzen eta konpartitzen ikasten dute. 

  Ikasketa prozedurei eta estrategia metodologikoei dagokienean, irakaslea gidari lanetan aritzen da, ikasleak ikasketa-prozesu egoki batetik bideratuz. Aurretik aipatu bezala, nire ikastetxean irakasgai bakoitzari gela batek dagokio eta bertan bi mailatako ikasleak elkarlanean aritzen dira irakasgai bakoitzak planteatzen dituen txokoetan. Txokoetan modu berezi batean aritzen dira lanean. Ez dira testuliburuak erabiltzen, fitxa moduko batzuk baizik. Txoko bakoitzean, jarduera batzuk planteatzen dira eta jarduera horietako bakoitzak bere lan metodoa du. Ikasleak lan metodo hori pausoz pauso jarraituz bere lana burutzen du eta amaitzen duenean irakasleari erakusten dio zuzenketak egiteko. Esaterako, Euskara irakasgaiko Denborapasak txokoan, hizki´zopak, txisteak, asmakizunak eta estilo horretako lanak planteatzen dira. Ikasle bakoitzak bat aukeratzen du eta hari dagokion lan metodoa hartuz lana burutuko du. Lan bat amaitzerakoan beste bati ekin beharko dio. Kontrol orrian, ikasleek apuntatu egin behar dituzte burututa dituzten lanak, irakasleak ikasle bakoitzaren lana kontrola dezan. Azken finean, ikasleak modu libre eta autonomo batean dihardute lanean eta ikasleak nolabaiteko kontrola eman behar du ikasle guztiak lanean dihardutela ziurtatzeko. Bi mailatako ikasleak nahasian daudenez, zaharrenei gehiago exigitzen zaie, baina guztiek metodo bera jarraitzen dute. 

  Esan beharra daukat, oso metodologia dinamikoa iruditzen zaidala eta dinamikotasun horri esker ikasleek gustora dihardutela ikasten. Sarritan ordea, irakaslearentzan zaila izaten da ikasle guztien gaineko ardura hartzea, izan ere, ikasle bakoitza bere lana burutzen ari da (guztiak ezberdina) eta irakaslearentzat oso zaila da jakitea ea guztiak lanean dabiltzan edo ez. 

  Amaitzeko, aipatu nahi dut, astero astero Gaztegiro deituriko aldizkari bat egiten dela eta ostiralero ikasle bakoitzari bat banatzen zaio etxera eramateko. Aldizkari horretan, ikasleen lanak ageri dira, mota guztitakoak, denborapasak, idazlanak, asmakizunak... Tontakeria dirudien arren, ikasleei ikaragarri motibatzen die aldizkari horretan beraien lana eta beraien izena agertzeak eta hori dela eta oso motibatuta aritzen dira lanean, haien lana aldizkarian ager dadin. 

IKASKETA-PROZEDURAK

Arratsalde on!

Hirugarren astea amaituta, gero eta gutxiago geratzen da Praktikum-a amaitzeko, eta, egia esan, asko ikasten ari naiz, bai irakasle izango naizenerako eta baita ikuspen soziologikorako ere; izan ere, egunero ikasten da umeen harremanei buruzko zerbait, nola konpontzen diren kultura desberdinak dituzten umeak, nolakoa den ikasle-irakasle harremanak, etab.

Ikasketa-prozedurei buruz hitz egitea tokatu zaigu aste hontan, eta, hiru aste honetan ikusi eta ikasitakoaz giatuko naiz: Gure eskolako ikasketa prozedura ez da tradizionala, hau da, irakaslea ez da hitz egiten egoten eta ikasleak adi egoten hari entzuten, eta, gero, entzundakoa apuntatu.

San Andres eskolan, metodologia berri baten bidez lan eta ikasten dute irakasle eta ikasleek: Lehenik eta behin, ez dago inolako testu libururik edota ikasketa plana jarraitzeko erabiltzen diren libururik kurtso batean ere; horren ordez, fitxak, ordenagailuak, interneta, entziklopediak,... erabiltzen dituzte. Nire mailan (2.mailan), ikasleek fitxak erabiliz ikasten dituzte matematikak, txikiz idazten,etab. Fitxez gain, arbel digitala asko erabiltzen du irakasleak, ikasleei informazioa erakusteko gai bati buruz. Adibidez: Saturnori buruzko informazioa horri batean idatzita dauka, eta, arbelaren bitartez, haurrek irakurtzen dute eta ideia nagusienak ateratzen dituzte, gero haiek txostenean idatzi ahal izateko.

Metodologiarekin jarraituz, ez dituzte ikasgairik beste eskoletan bezala; hau da, beste eskoletan ingurunea, matematikak, euskara, eta besteak ematen diren heinean, San Andresen proiektuak eta txokoak dira ikasgaiak. Proiektuka lan egiten da, alegia, kurtso bakoitzak hilabetero gai desberdinei buruz lan egiten dute, eta, horren inguruan lantzen dira matematikak, hizkuntzak edota gorputz hezkuntza. Orain, 2.mailan espazioa da proiektuan lantzen ari direna, beraz, hilabete oso honetan proiektua tokatzen denean, gai honekin lotutako informazioa biltzen ari dira.

Proiektua tokatzen ez denean, txokoka egiten dute lan: Txokoak 5 pertsonak osatutako taldeak dira, adimen mota desberdinetakoak, helburua talde lanean fitxak egitea eta talde lan hori zein garrantzitsua den helaraztea delarik. Askotan, lana egiten gutxiago kostatzen zaienek arazoak dituztenei laguntzen diete, eta, elkarlanean, fitxa amaitzera heltzen dira. Egunero txoko desberdinak lantzen dira, adibidez, matematikak lantzen badituzte, hurrengo egunean idazmena landuko dute, beste batean margotzea, etab.

IKASKETA-PROZEDURAK

Kaixo!

          Hirugarren aste hau laburragoa izan da ostiralean jai izan delako, baina hortaz gain lan handia egin dute 4 egun hauetan. Gaurkoan, baliabide didaktikoei, ikasketa prozedurei eta estrategia metodologikoei buruz hitz egia egokitu zaigu.  


          Baliabide didaktikoei dagokionez, hainbat bereizi daiteke. Alde batetik, irakasleak erabiltzen dituzten baliabideak, hau da, arbela digitala, arbela honek oso handia da eta klasearen atzean dago jarrita, han irakasleak irudiak edo internetetik erakutsi nahi duen edozer gauza jartzen ditu. Arbelaren aurrean alfonbra bat dago eta irakasleak arbela erabiltzen duenean ikasle guztiak alfonbran esertzen dira eta adi-adi egoten dira entzuten edo ikusten arbelean jarritakoa. Ere, ordenagailu bat dago klasearen albo batean irakasleak nahi duenean erabili ahal izateko. Bestalde, ikasleek erabiltzen dituzten baliabideak ere daude, kuadernoak, liburuak, fitxak eta arbela berdea. Dena dela, arbela berdeak bai ikasleak bai irakasleak erabiltzen dute, han etxerako lanak zuzentzen dituzte. Adibidez; kenketak edo batuketak egin behar dituztenean, banaka arbelera irtetzen dira eta bakoitzak kenketa edo batuketa bat egiten dute, eta guztien artean zuzentzen dute. 

          Ikasketa prozedurei dagokionez, erabiltzen duten metodologia tradizionala da, izan ere, modernoaren ezaugarriak ere ditu. Liburuak, kuadernoak eta fitxak erabiltzen dituzte egunero eta eguna bukatzen denean beti etxerako lanak izaten dituzte. Hala eta guztiz ere, bidaltzen dituzten etxerako lanak egokitutak daude haurrak pisu asko ez eramateko. Adibidez; irakurgaien txosten bat dute, orri bakoitzean irakurgai labur bat dago eta irakurgaiaren azpian ariketak daude, hutsuneak bete, marraztu hitz hauek, erantzun galderarei, borobildu erantzun zuzena…,horrelako ariketak agertzen dira. Etxean testu bat eta testu horren ariketak egitea bidaltzen dizkie hurrengo klasean zuzendu ahal izateko. Egia esanda, astero metodologia berdina erabiltzen dute, beti aipatutako materialak erabiltzen dituzte. 

          Bukatzeko, erabiltzen dituzten estrategia metodologiari buruz hitz egingo dut. Asko premiatzen da parte hartzea eta adi egotea irakasleak azaltzen duen bitartean, ikasle batek zerbait aportatzen duenean ez diote inoiz esaten gaizki dogoela, horrela klase guztiaren aurrean hitz egiteko segurtasuna lortzen dute. Irakasleak motibazioa asko sustatzen du eta haurren interesak bilatzen ditu, klasea arinago egin ahal izateko. Ustekabean harrapatu ninduen erabiltzen duten metodoa arazo bat konpontzeko, hau da, ikasleak haserretzen direnean edo arazoren bat edukitzen dutenean beraien hartean, toki bat dute klasearen albo batean han esertzeko eta hitz egiteko. Han azaroei konponbideak bilatzen dituzte eta bakeak egiten dituzte.

Arazoak konpontzeko tokia

Ikasketa-Prozedurak

Kaixo!

Practicum-aren hirugarren astea dela eta, ikasgelako baliabide didaktikoei, ikasketa prozedurei eta estrategia metodologikoei buruz hitz egingo dut.

Metodologia berri honek ikasleen autonomia bermatzea du helburu. Esan bezala, hirugarren eta laugarren mailakoak nahastuta daude. Ikasleak beraien artean laguntzen dira, izan ere, irakaslearen laguntza ere eskatu dezakete.

Baliabide didaktikoei dagokionez, irakasleak gutxinaka-gutxinaka material berria sortzen ari dira, hau da, ez dute libururik erabiltzen. Ikasleek erabiltzen duten materiala irakasleek sortu dute. Bestalde, baliabide teknologikoak, esate baterako, ordenagailuak, arbela digitala... erabiltzen dituzte. Konpetentzia digitalak berekin dakar baliabide digitalak eta informazioaren eta komunikazioaren teknologiak erabiltzeko ezagutza, trebetasun, jarrera eta estrategia batzuk edukitzea.

Ikasleak taldeka esertzen dira eta astero lekuz aldatzen dira. Txoko bakoitzean estrategia metodologiko desberdinak erabiltzen dira. Txoko batean irudiak interpretatzen dituzte. Beste txoko batean, ordea, gainerako txokoetan ikasitakoa jolasen bitartez praktikan jartzen dute.

Matematikako ikasgaian, esate baterako, Tangram jolasa erabiltzen dute. Gorputz geometriko desberdinak erabiliz animaliak edota beste gauza batzuk eraiki behar dituzte. Jolas honi esker, logika eta gaitasun matematikoa garatzen dira. 

                                                         

               TANGRAM                                    

Burututako ariketa guztiak irakasleari erakutsi behar zaizkio. Ariketa zuzendu ondoren, ikasle bakoitzak X bat jarri beharko du ariketa burutu duela adierazteko. Horrela, irakaslea ikasle bakoitzak izan ditzakeen zailtasunez ohartzen da.

Ikasle bakoitzaren lana egunerokotasunean oinarritzen da, hau da, irakasleak ez ditu ez etxeko lanak ez azterketak jartzen. 

IKASKETA - PROZEDURAK

Kaixo!

Dagoeneko, Practicum-aren hirugarren aste hau bukatu dugu eta oso motza egin zaigu jaiegun bat izan dugulako astearen bukaeran. 
Sarrera hontan, ikasgelako baliabide didaktikoei, ikasketa prozedurei eta estrategia metodologikoei buruz hitz egingo dizuet.

Hasteko, esan behar dut La Salle Legazpi ikastetxea ez dela oso ikastetxe tradizionala ezta oso modernoa ere, izan ere, bietako ezaugarriak ditu.

Baliabide didaktikoei dagokienez, hiru multzotan banatu ditut.

• Lehenengo multzoa, irakasleak bakarrik erabiltzen dituen baliabideak edota irakasleak bakarrik eskuragarri dituen baliabideak, honako hauek dira: arbela digitala, eta ordenagailu portatil nagusia (arbelarekin konenktatuta dago).
• Bigarren multzoan, bai irakasleak bai ikasleak erabiltzen dituzten baliaideak daude: errotulagailuekin funtzionatzen duen arbela txuria (irakaslea gauzak azaltzeko erabiltzen du eta ikasleak ariketak zuzentzeko egot eguneroko data eta etxekolalak ipintzeko erabiltzen dute) eta "Sallenet" plataforma digitala  (irakasgai guztietan erabiltzen duten materiala zintzilikatuta dago, hala nola, liburu digitalak, fitxak, ariketak...) dira. 
• Hirugarren multzoan,  ikasleak soilik erabiltzen duten baliabide nagusia norberaren Chromebook-a da (beraien ordenagailu portatila).  

CHROMEBOOK-a zabalik

CHROMEBOOK-a itxita

Ikasketa prozedurei eta estrategia metodologiei dagokienez, irakasleak ikaskeak motibatzen ditu, irakasgai didaktiko eta eramangarri bat sortuz. Horretarako, gauza gutxi azaltzen diete eta beraien kabuz informazioa bilatu, irakurri, ulertu eta birmoldatu behar dutela esaten diete (ezin da kopiatu), honako egoera honetan ikasleak autonomoak sentitzen dira eta beraiengan konfiantza izaten ikasten dute, horrez gain, informazioa ondo irakurtzen eta ulertzen ikasten dute.  

Bestalde, irakasleak ikasleari asko laguntzen dio, horretarako, beraren mailara egokitzen da eta beraren ezagutza mailean azalpenak ematen dizkio, andamiajea erabiliz.

Bukatzeko, irakasgaia dinamikoa egiten saiatzen dira. Beste egunean, adibidez, mapa baten koordenadak esplikatzeko eta ikasleak ondo ulertzeko "hundir la flota" jokura jolasten egon ziren.  

IKASKETA-PROZEDURAK

Arratsalde on guztioi,

Gaurkoan ikasketa-prozedurei buruz idaztea egokitu zaigu; horretarako, ikasgelako baliabide didaktikoak, eta estrategia metodologikoak behatu ondoren, jasotako informazioa aztertu eta ondorioak argudio moduan azaldu behar ditugu.

Hirugarren astea, ostirala jai eguna denez, laburragoa izan da, baina lan egiteko denbora nahikoa izan dugu. Nire ikastetxeak jarraitzen duen metodologia, tradizionaletik hurbil dago, modernoaren ezaugarriak ere eduki arren. Eskolak kurtsoa hasi aurretik ikasketa plana ezartzen du eta irakasleak dira plan honetara egokitu behar direnak; bestalde, ikasleek irakaslearen aginduak bete behar dituzte, beti ere haien interesak kontuan hartuz.

Estrategiei dagokienez,  premiazkoa da ikasleak gai direla sentitzea. Haurrak gai ez dela pentsatzen badu, ez da ekintza burutzen saiatuko eta horrez gain, motibazio falta izango du. Etorkinak zein etorri berri diren ikasleekin arreta handiz jardun behar dugu laguntza eskaintzeko orduan. Nire ikasgelan adibidez, lotsatiak diren ikasleak ditut, eta laguntza eskatzea kostatzen zaiela nabaritzen dudan momentuan, laguntza hori eskainiz hurbiltzen saiatzen gara tutorea eta biok. Baina beti ere kontu handiz, ikasleek laguntza eskatzea ere lortu nahi dugulako, haien autonomia garatu dadin eta ikasleak ezin direlako haien erosotasunetik atera gabe egon. 

Bestalde, jarduerak egiterako orduan, tutoreak batzuetan errutinatik ateratzea erabakitzen du, ikasleen motibazioa sustatzeko. Hala ere, aldaketa hauek ez dira egunero egiten, haurrentzako errutinak beharrezkoak baitira. Ikasleak egun osoan zehar langile aritu direnean adibidez, irakasleak haien gogoko ariketak egiten ditu, hizki zopak, marrazkiak, besteak beste; eguraldi ona dagoenean ere, patiora atera izan gara burua deskantsatzeko asmoz eta honela, lana gogotsu egiten jarraitzen dute.

Deskribapena lantzeko gelako jarduera.

Arreta ikasleengan jarriz gero, norberak  beren gaitasunak dituztela argi dago, eta denak goraipatzea komeni da. Ildo honi jarraituz, hain kaltegarriak diren konparaketak saihestu behar dira, guztiok ezberdinak garen heinean, bakoitzak bere gaitasunak ditu. Ikasgelan tutoreak eta biok izugarrizko garrantzia eman diogu arlo honi, baloreak transmitituz eta errespetua azpimarratuz. Sariak dituzten jokoetan jokatu dugunean adibidez, haur guztiek aukera berdinak izaten saiatu gara, guztiok ondo pasatuz gehiago ikastea. 

Beheko irudian agertzen den bezala ikasitakoa praktikarekin lotzea ere garrantzitsua da, eta horregatik, hurrengo astean herriko elizara txango bat egingo dugu, Erdi Aroan eraikitako eraikin berezia baita. Horrez gain, antzerki txiki bat egitea ere pentsatu dugu, kartoia erabiliz gaztelu bat eraikita eta etxean ditugun mozorroak baliatuz.

Erdi Aroko azoka

Santa María eliza