PROIEKTUAK

Hasteko, euskararen zaintza garrantzi handia du. Eskola osoan daude horma-irudiak esanez euskaraz hitz egin behar zela. Ere euskeraz hitz egitea derrigorrezkoa da, bia irakasleentzako, bai ikasleentzako. Hala ere, baziren zenbait umeek gaztelaniaz hitz egiten zutela, baina, orokorrean ia denak euskeraz egiten zuten. 

Euskara maila sustatzeko, ahozkotasuna lantzen zuten astean behin. Ikas ordu honetan, euskararen arauak errepasatzen zuten, abestien hitzak aztertu, asmakizunak erantzun…

Baita ere, astean behin, bertsolaritza saio bat daukate umeek eta iraskalea ordez, olerkari profesional bat zetorren ( Irati) irakastera.

Irakurketa sustazeko, bai euskara eta gaztelania saioetan, liburu bat lantzen zuten. Euskara saioetan, “Enekoren soineko arrosa” irakurtzen zuten. Aldiz, gaztelania saioetan “Las hadas verdes” irakurtzen zuten.

Irakurtzeko orduan, borobil bat egiten zuten eta han ume bakoitzak gutxi orri bat irakurtzen zuen. Irakurketa saio hauek ez ziren egunero egiten, normalean astean bi aldiz, eta saio horietan 30 minutu.

Eskolan ere Agenda 21 eta holako proiektuak zeuden, baina, proiektu horiek 5. eta 6. mailakoek egiten zuten.

                                                

Kaixo!

Gaurkoan practicum aldia aurrera eramaten ari naizen ikastetxean lantzen dituen proiektueri buruz hitz egitea tokatzen zait. Proiektu horietako batzuk zeintzuk diren eta egunerokotasunean nola lantzen diren azalduko dut.

Alde batetik, Hizkuntza Normalkuntza Plana dago. Plaentxi LHI ikastetxeak Hizkuntza Normalizazioko Ulibarri programan parte hartzen du eta ikastetxearen helburua euskararen erabilera eta kalitatea indartzea da. Proiektu hau egunerokotasunean asko nabarmentzen den plan bat da. Izan ere, ikasleak beraien artean edo irakasle bati hitz egitean gazteleraz hitz egiten entzuterakoan, euskaraz mintzatzeko esaten zaie, hau da, ikastetxean euskaraz egiteko esaten zaie, horrela euskararen erabilera areagotuz eta kalitatea indartuz. Bestalde, gazterelazko eta ingeleseko klaseetaz aparte, dena euskaraz egiten da, bideoak, irteerak... adibidez.

Beste alde batetik, Liburutegiko Proiektua dago. Proiektu honek ikasleriarengan irakurzaletasuna sustatzean datza. Proiektu hau lantzen dela ere oso nabarmena da. Izan ere, egunero irakurtzen die irakaslean libururen bat edo libururen baten zatiren bat gelan, bai euskaraz, bai gazteleraz eta bai ingelesez. Gainera, pertsona desberdinek irakurtzea komenigarria dela diote eta egunero irakasle berdinak ez irakurtzen saiatzen dira. Bestalde, etxekolan bezala, etxean egunero irakurtzea 2 edo 3 aldiz bidaltzen zaie, eta asteazkenero froga txiki bat egiten zaie banan banan beraien hobekuntza erregulatzeko.

Azkenik, Ikaskuntza Kooperatiboaren Proiektua dago. Ikaskuntza kooperatiboa Eskola Inklusiboa ahalbideratzeko eta bertan elkarren artean oso ezberdinak diren ikasleak biltzeko eta konpetentziak garatzeko baliabide metodologikoa da. Proiektu hau aurrera eramateko, ikasleak taldeka daude banatuta ikasgelan, baina ez edozein taldetan. Irakasleak nahiko desberdinak diren ikasleen taldeak egiten saiatzen dira, horrela bakoitzak besteengandik gauza ezberdinak ikasteko eta hauen artean laguntzeko.

                                                         PROIEKTUAK

Jada praktikaldiaren laugarren astea pasata, ikastetxeak dituen proiektuei buruz hitz egitea tokatzen zait, zeintzuk diren eta nola eramaten diren aurrera.

Alde batetik, Agenda 21 deitzen den proiektua du ikastetxeak, eta ingurumena zaintzekko haurrak txikitatik kontzientziatzean datza. Nik ikastetxean egon naizen aste hauetan, haurrekin batera munduaren eta ingurumenaren egoera azaltzen duten bideo batzuk ikusteko aukera izan dut proiektu honen barruan.



Horrez gain, HNP izena duen proiektu baten parte ere da ikastetxea. Honekin, hinzkuntza normalkuntza lantzen da, eta honen barruan; euskararen eguna, iraksaleen egunerokotasneko inplikazioa... sartzen dira. Hau da, iorakasleek egunero haurrak euskaraz hitz egitera bultzatzen dituztela ikusi dut, nahiz eta ikasle batzuek zailtasunak izan, laguntza eskainiz proiektua aurrera eraman.

Aste hauetan zehar, beste proiektu bat aurrera nola eramaten duten ikusteko aukera izan dut. Proiektu honi elkarbizitza deritzo eta horregatik, "Tratu onaren aldeko eskola" deitzen diote. Proiektu hau auurera eramateko eta proposatutako helburuak lortzeko, tutoretza klaseetan irakaslearen aginduz, haurrek jolas kooperatiboak egiten dituztela ikusi dut. horrela, talde kohesioa eta beraien arteko harremanak indartuz.

Azkenik, gaur egun beharrezkoa den IKT proiektua ere badago. Honekin, teknologia berrien erabilerak gutxinaka egunerokotasunean sartzen ikastean datza. Esate baterako, nire klaseak, astero 1h eta erdi izaten zdu ordenagailuetan ariketak egiteko eta honen funtzionamendua ikasteko.

PROIEKTUAK

Kaixo!

Praktikaldiaren laugarren astea bukatu da konturatu gabe, oso azkar pasatzen ari da denbora. Aste honetan egokitu zaigun gaia eskolak egiten dituzten proiektuak da. Arrateko Andra Mari eskola, hainbat proiektuetan sartuta dago. Hala eta guztiz ere, irakaslearekin egon nintzen hitz egiten eta oraindik ez dute ondo antolatu proiektu batzuk, horregatik ezin izan dute oraindikan hasi. Oraindik horrela, aberate programa, irakuketa plana, euskara normalkuntza eta elkarbizitza proiektuak martxan jarri nahi dituzte, baina antolatu behar dituzte ondo bakoitzan zer egitea eta nola.

Bestalde, agenda 21 martxan dagoen proiektu bakarra da. Ingurunearekin zer ikusia duen gaia bat aurkeztu zaie ikasleei hau da ekoizpena eta kontsumo arduratsua. Aste honetan, gai honen inguruan hitz egiten egon dira eta gero bakoitzak bere marrazkia egin zuen gaiarekin zer ikusia dutena. Ildo beretik, orain dela 3 aste blokoliak plantatu zituzten goiko solairuan dagoen baratzean, eta ostiral arratsaldeetan joaten dira ura botatzera eta hazi diren ikustera.

Jarraitzeko, ingurune batzorde bat dago, ikastetxean hezkuntza-komunitateak parte hartzeko organoa eta estamentu guztien ordezkariek osatzen dute. Programaren lerro nagusiak zehazten ditu, planifikazioa, ekintza-plana, ebaluazioa eta abar besteak beste. Maila bakoitzean ordezkari bat dago, eta bi astetan behin bilera bat egiten dute sortu diren arazoei konponbideak bilatzeko eta bakoitzaren iritzia emateko.

Bukatzeko, aipatzekoa da egin zuten lan bat, hau da, kartulina batean itsasoa marraztu zuten eta itsasoan bizi diren animaliak ere. Hortaz gain, plaztikozko poltsak, botilak, edalontziak, toallitak eta abar ere margotu zituzten. Honekin, kritika bat egin nahi zieten itsasoa kutzatzen duten persona guztiei. Marrazki honen azpian, idatzi zituzten honek erakartzen dituen ondorio batzuk.

PROIEKTUAK

Kaixo denoi!

Igaro da praktiketako laugarren astea, eta prakikaldia egiten ari naizen eskolako proiektuak ikusi eta ezagutzeko nahiko denbora igaro dela esan dezaket. Zestoako eskola, hainbat proiektutan sartuta dago, haien artean interesgarrienak iruditu zaizkidanak aipatuko ditut.

Alde batetik, berdintasunaren gaiarekin lotuta, hezkidetza proiektuan dago sartuta eskola. Esate baterako, ikasgeletan erabiltzen den material guztia, hala nola irakurgaiak, bidioak, kantuak, liburuak... ikasgeletan erabiltzerako aztertu egiten dira genero aldetik desberdintasunik ez dutela baieztatzeko. Materialek hau betetzen ez badute, ez dira ikasleen eskuetara heltzen. Horrela, ikasleek lantzen dituzten arlo guztietako materialetan berdintasuna egotea bermatzen da. 

Bestalde, irakurketa proiektu bat ere badute. Hau dela eta, haur guztiek irakurketarako ikasgai zehatz bat dute. Bertan, hainbat irakurgai ezberdin irakurri eta testuari buruzko galdera batzuk erantzuten dituzte testuan irakurririkoa lantzeko eta ulertzen laguntzeko. Irakurtzerako garaian ordea, metodo ezberdinak erabiltzen dituzte. Altuan irakurri behar dutenean, batzuetan irakasleak irakurtzen die testua eta ikasleek jarraitu egiten dute, beste batzuetan ordea, haurrak dira ipuina irakurtzen dutenak irakasleak esaten dienean txandatuz. Tarteka euren kasa ere, bakarka, irakurtzen dute ,bakoitzak bere erritmora. Beste batzuetan berriz, binaka edo talde txikitan jarri eta taldekoen artean paragrafoka edo puntuka irakurgaia zatituz altuan irakurtzen dute. Bitarte horretan, irakaslea haur bakoitzaren irakur eta ulermen gaitasunak ezagutzen joaten da, horrela, norbaitek laguntza handiagoa behar izanez gero, jakinaren gainean jarri eta laguntza eman ahal izateko. Ikasgai hau euskaraz egin ohi da, baina gaztelerako klaseetan irakurgaiak lantzerako garaian ere, metodo hau erabiltzen dute irakasleek.

Azkenik, Zestoako eskolak, San Joan egoitzarekin duen proiektuaz hitz egin nahiko nuke. Oso proiektu berezia eta interesgarria iruditu zait hau, izan ere, haurrek egunerokotasuneko lanak ezagutu eta ikasteaz gain, gainontzekoei laguntza ematen ikasten dute proiektu honen bidez.

Esan didatenez, lehen, ikasturteko egun jakin batzuetan soilik joaten ziren haurrak San Joan egoitzara (gabonetan, eskolako festa egunean...). Lehengo ikasturte amaieran ordea, beste froga bat egin zuten eta izan zuen emaitza positiboa ikusita, aurten ikasturte hasieratik martxan jartzeko erabakia hartu zuten.

Egunero, eskolako haur talde bat joaten da San Joan egoitzara bertan hainbat lan burutzera. 11:15etan irteten dira klasetik eta 12:15erako eskolan egoten dira bueltan. Eskolako dinamika ez apurtzeko, ikasgela bakoitzetik astero ikasle ezberdin bat joaten da. Horrela, ikasle guztiak txandaka joateaz gain, ez dute jarraian klase kopuru handirik galtzen eta berriro berehala hartzen dute gelakideen martxa. Bertara joaten direnean, ikasgelan bezala txoko ezberdinetan aritzen dira lanean, sukaldaritza txokoan, garbiketa txokoan... Txoko bakoitzean dagozkien lanak egiten dituzte, adibidez haurrek kontatu didatenez, garbiketa txokoan arropak tolestu, pilatu, banatu eta jasotzen laguntzen diete.

Lehen aipatu dudan bezala, proiektu hau haurrentzat oso aberasgarria iruditzen zait izan ere besteei laguntzeak duen balioa eta garrantzia ezagutzen dituzte. Hau horrela, ikasgelan ere elkarri laguntzearen garrantzia hobeto ulertzen dute. Honez gain, adinean aurrera doazen heinean ere, errazago eskeiniko diote laguntza beharrean ikusten dutenei.

Proiektuak

Kaixo!

Praktikaldiaren azken astera heldu gara eta egia esan sentsazio onarekin gelditzen ari naiz esperientzia honekin. Ohiko irakasgaiez gain, Zestoako herri ikastetxean zein proiektu ematen diren ikusi dut eta haurrek hauetan duten parte hartzea behatu dut.

Lehenik eta behin, gehien ikusi dudan proiektua, irakurketarekin lotua dagoena da. Haurren irakurketa sustatzeko, hau hobetu eta ohiturak hartzeko proiektua dela esan dezakegu. Bi ataletan banatzen da:

• Astean behin, irakurketa deitzen dioten gaia dute. Haurrak taldeka esertzen dira eta denek testu berdina lantzen dute. Hemen, praktika ezberdinak ikusi ditut. Alde batetik, irakasleak egiten duen ozeneko irakurketa dugu, hau da, irakasleak haur guztientzako irakurtzen du eta hauek testua jarraitzen dute poliki-poliki. Bestalde, binakako irakurketa dago, mahaietan eserita dauden moduan, ondoan duten pertsonarekin bikotea eginez, bien artean testua irakurriko dute, puntuz-puntu eta poliki. Horrela, dituzten zalantza guztiak lehenik ondokoarekin argitzen saiatuko dira eta gero ezin badute, irakaslearekin. Eta besta fase bat, bakarkako irakurketa izango litzateke. Hau, klasean daudenean "isilpean" egingo dute, baina askok altuan irakurri behar dutenez, baxu egiten dute besteei oztopatu gabe. Hala ere, hau ez dute klasean bakarrik egiten, etxean testu hauek irakurtzen dituzte, ozenki. Horretarako, eskatzen zaie gurasoen edo heldu baten haurrean egitea irakurketa hau, etxekoek lagundu ahal izateko. Testu hauek, beste aldean galdera sorta bat izaten dute eta batzutan ikasgelan erantzuten dituzte eta beste batzutan etxean, baina beti banaka. Hauek testuaren ulermena baloratzeko dira eta gainera, azalpenak emateko duten erraztasuna ikus daiteke.

• Beste atala, liburutegia da. Ikastetxe honek, bere liburutegia du eta astero pare bat arduradun izaten ditu hau kontrolatzeko. Hauen lana gelaz-gela joatea izango da ea norbaitek etxera libururik eman nahi duen galdetuz. Baietz esaten dutenak, banaka beraiekin joango dira eta liburu bat aukeratuko dute. Arduradunek, ordenagailuan jarriko dute, zein den hartu duen liburua eta nor den etxera eraman duena. Gure kasuan, bat hartu aurretik tutoreari erakusten diote liburua ea egokia den jakiteko, euskaraz irakurtzea komeni zaien, gaztelaniaz komeni zaien edo beraientzat esfortzu handia izango den jakiteko. Liburua bueltatu nahi dutenean, berriro ere ordenagailuan apuntatuko dute arduradunek eta bere apalean utziko dute. Proiektu honekin gerta daitekena da, irakasleak ezin duela honen kontrolik eman eta ez dakiela benetan liburu hauek etxean irakurtzen dituzten edo motxilan bueltaka erabiltzen dituzten.

Beste proiektua zaharren egoitzara joatea da. Astero gela bakoitzetik ikasle bat joaten da ordu bat pasatxo egotera. Egia esan ez naiz beraiekin joan inoiz baina haurrek azaldu didatenez bertan lau txoko dituzte eta bakoitzari bat egokituko zaio. Nire gelakoei lorezaintza tokatu zaie eta astero, egoitzara joaten denak, horrekin lotutako hainbat ekintza egingo ditu: landare txarrak kendu, batzuk landatu, ureztatu... Eta dirudienez, ondo aritzen badira, amaieran masajeak ematen dituen sofa bat probatzeko aukera izaten dute. Beste txokoen artean, sukaldaritza eta garbiketa daude, beraz, hauekin eguneroko bizitzako lana ikus dezaketela iruditzen zait eta beraiek egin beharko dituzten gauzak direla ikustarazten die. Beharrezkoa den zerbait dela iruditzen zait haurrek lan hauek nolakoak diren ikustea eta etxean gurasoek zenbat lan egiten duten jabetzea. Askotan iruditzen zaie normala dela etxean beraiek eserita egotea eta gurasoek beraiei gauza guztiak prestatzea, baina adin hauetan konturatzea laguntzea ondo egongo litzatekela eta etxea guztiona dela ikustea garrantzitsua iruditzen zait.

Bestalde, aipatu beharra dago, astean bi aldiz irratia egiten dutela eta hau ez dela proiektu bat baina hauen barruan aipatu nahiko nukeen zerbait da. Beste sarrera batean esandakoa laburbilduz, irratian beraiek parte hartzeko aukera dute, bertan hitz eginez, eta horretaz gain, astean bi aldiz entzuten dute eta ulertu dutena koadernoan idazten dute.

PROIEKTUAK

Kaixo!

Burutu dugu gure praktiketako laugarren astea ere eta asterolez, sarrera berria idaztea tokatze zaigu. Harrigarria da ze azkar pasa zaidan denbora praktiketan ari naizenetik. Orain, azkeneko astea topera aprobetxatzea tokatzen zaigu!

Tira, aste honetan gure ikastolan martxan dauen zenbait proiekturen inguruan hitz egitea egokitu zaigu. Esan beharra dut, nire ikastetxean proiektu pila bat daudela martxan baina nik lauri buruz mintzatuko naiz, izan ere, horiekin izan dut harremana.

Lehenengotik, BIKOTEKA IRAKURTZEN izeneko irakurketa-programa aipatu nahiko nuke. Informatzera joatean, esan didate hirugarren zikloaz gain, bigarrengoan ere lantzen dutela euskerako eta gaztelaniako ikasgaietan. Nik, ordea, gaztelaniako ikasgaian bakarrik ikusi ditut umeak proiektu hau lantzen. Proiektuaren helburua ondorengoa da: modu kooperatibo batean, irakurketa gaitasuna hobetzea. Programa honen izenak dioen moduan, bikoteka egiten dute lan. Astero bikoteko pertsona batek etxean testu landu behar izaten du eta, ondoren, klasean beraien kidearekin landu behar izaten dute. Lehenengotik "irakurri aurretik" bete beharreko galdera batzuei erantzun behar izaten diete, jarraitzeko, testua irakurtzen dute eta, amaitzeko, "irakurri ondoren" erantzun beharreko galderei erantzun behar izaten diete. Aurreko ikasturteetan ere landu dute proiektu hau eta balorazio baikorra ikusi dutenez, aurten ere lantzea erabaki dute. Hain zuzen ere, ni ikastola honetan ikasten ari nintzenean hasi ziren proeiktu hau lantzen eta ordundik ez dira gelditu. Asko gustatzen zait proiektu hau, izan ere, umeek gustura egiten dutela ikusten dut eta irakurtzea gustuko ez duten zenbait ume entretenituta ikusten ditut testu hauek lantzen ari diren bitartean.

Bigarrengoz, BIDELAGUNA deituriko proiektuari buruz hitz egingo dizuet. Proiektu hau ikastolako orduz kanpo gauzatzen da, konkretuki, eguardian, hau da, bazkal ondoren. Eguerditan laguntza behar duten umeak indartze klase batzuetara joaten dira zailtasunak dituzten ikasgaia lantzera, ondoren, klaseetako martxa jarrai dezaten. Izan ere, aniztasunean aipatu nuen moduan, badira zailtasun handiak dizuten ikasleak eta hauei laguntza berezi bat eskaintzea ongi dagoela deritzot. Esan didatenaren arabera proiektu honek hiru helburu nagusi ditu: laguntza behar duten umeen euskara maila hobetzea, Lehen Hezkuntzako helburuak gainditzea eta lan ohiturak eta konstantzia bultzatzea. Oso proiektu garrantzitsutzat dut aipatu berri dudana, hain zuzen ere, zenbait ikaslek ezin dituzte klase partikularrak ordaindu eta honen bidez askoz errazago daramazkite beraien ikasketak aurrera.

Hirugarrengoz, GU ERE BERTSOTAN proiektuari buruz mintzatuko natzaizue. Proiektu hau Euskal Herriko Bertsozale Elkarteak bertsolaritza lantzeko sortu zuen. Euskarako ikasgaian burutzen da proeiktu hau, izan ere, bi astean behin, euskarako klase batera bertsolari bat joaten da eta modu dinamiko batean bertsoak lantzen dituzte. Honen bidez, irakasleak izugarrizko hurbiltasuna lortzen du ikasleekin, izan ere, proposatutako jolasean irakasleak ere parte hartzen du ikasleekin batera. Asko gustatu zait proiektu hau, izan ere, umeak aso ongi pasatzen dutela ikusi dut hizkuntzarekin jolasean. Gainera, oso garrantzitsua dela uste dut azken hau, hau da, jolasen bidez ikastea eta baita ikasleak ere ikastea aspergarria ez dela jakitea.

Laugarrengoz, AGENDA 21 aipatu nahiko nuke. Urte askoan ari dira proiektu hau lantzen ikastolan, hain zuzen ere, ni ikastola honetara ikastera etorri aurretik lantzen ari ziren eta, gaur egun, jarraitu egiten dute. Urtero lantzeko gai berri bat jartzen dute, aurtengoa "ekoizpen eta kontsumo jasangarria" da. Horren inguruan zenbait ekintza antolatzen dituzte eta ikasleek ikasturtean zehar horiek egin behar izaten dituzte. Esaterako, laugarren astean ikasgeletan ondorengoa egin dute: ikasgela bakoitzean termometro bat jarri dute eta honen alboan asteko arduradunak bete beharreko taula bat dago. Taula hori egunero bete behar izaten du lehenengo orduan. Bertan, momentuan ikasgelan dagoen tenperatura, beraiek hotzak al dauden, ikasgelako leihoak irekita al dauden eta berogailua piztuta al dagoen jarri behar dute. Horren helburua ikastetxeak egiten duen elektrizitatearen kontsumoa gutxitzea da. Orokorrean, proiektu honen bidez ikasturtero ingurugiroarekin lotura duten zenbait gai lantzen dituzte. Nire aburuz, hori oso garrantzitsua da, izan ere gure klima momentu kritiko batean dagoela uste dut eta ikasleek horren berri izatea beharrezkoa dela esango nuke.

Kontuak kontu, esan nahi dut praktikak amaitzean uste dudala pena handia hartuko dudala eta, beraz,  hasieran esan bezala, azken astea topera aprobetxatu nahi dudala. Hau guztia esanda, amaiera emango diot laugarren asteko sarrerari.

Proiektuak

Kaixo denoi, gaurkoan proiektueri buruz idaztera natorkizue. Luzaro ikastetxean egiten diren proiektuen inguruan idatziko dizuet, herri zein eskola txikia izan arren eskolak Aurrera begiratzen du eta proiektuen artean, Agenda 21, Irakurketa plana eta Elkarbizitza sustatzen dute. 

Agenda 21 eko proiektuan indartsu dabiltz lanean. Hasteko, urtero edo bi urtez bein gai baten inguruan jarduten dute eta aurtengo gaia: Ekoizpen eta kontsumo arduratsua da.  Gai horri buruz haurrek gehiago jakin dezaten astero astero asmakizun bat suertatzen dute eskolako irratitik haurrek erantzun egokia izan dadin tutoreak laguntzen dute eta honela gaiari buruz ikasten dute, ondoren, erantzun egoki guztien artean sorteo bat egiten dute eta irabazleak saritxo txiki bat jasotzen du, honela ikasleak ere motibatuta hartzen dute parte asmakizunean. Hauxe da asmakizunak botatzeko kutxa dagoen txokoa. 

Ekintza honetaz gain, beste gauza gehiago ere egiten dituzte Agenda 21 etik, adibidez,  baratza. Baratzean, 2. mailako ikasleak aritzen dira eta ostiraletan egiten dute lan ordu bat eta erdi Agenda 21 eko arduradunarekin. Bertan, atxurtu, landatu, ureztatu, erein, uzta jaso (uzta jasotzerakoan

matematika ere lantzen dute, uzta pisatzen eta abar) eta bukatzeko erregistro orria betetzen dute informazio danarekin. Hemen uzten dizuet baratzaren argazki bat. 

 Baratzean erabiltzen duten konposta beraiek sortzen dute. Ekintza hau 2. mailatik 6. mailara bitartean egiten dute eta jolas orduan egiten da astean bitan.  Eskolako pasiloetan zakarrontziak dituzte zabor organikoa jasotzeko eta ondoren baratzaren ondoan konposta egiteko tokia dute, bertan zaborra pisatu eta erregistro orrian jasotzen dute ondoren konposta egin eta gero baratzean erabiltzen dute landatzeko. Hemen uzten dizuet konposta egiten duten tokiaren argazki bat. 

Bukatzeko, agenda 21 eko bileretan gela bakoitzeko bi arduradun joaten dira eta azken bileran plastikoaren kontsumoari buruz informatu ziren. Plastiko gehiegi erabiltzen denez, Debako udalak telazko boltsak egin nahi ditu herrian banatzeko eta horretarako, LHkoek poltsetarako marrazkia egiteaz arduratu dira, DBHkoek berriz slogana sortu dute. Ekintza hauekin ikasleak kutsaduraren arazoetaz arduratzen dira eta gainera parte hartzen dute marrazki bat sortzen natura zaindu dezagun.

Hurrengorarte ! 

Proiektuak

Kaixo!

Praktikaldiaren amaiera iritsi dela kontuan izanik, gaurkoan ikastetxean dauden proiektuei buruz mintzatzea tokatzen zaigu.

Karmelo Etxegarai ikastetxean hainbat proiektu daude, esate baterako, bikoteka irakurtzen, Agenda 21, elkarbizitza eta harremanak…

Agenda 21ari dagokionez, aurtengo gaia ekoizpen eta kontsumo jasangarria da. Proiektu honetan Haur eta Lehen Hezkuntzako ikasleek hartzen dute parte. Klase bakoitzeko ordezkariak bileretan esaten diren ideia nagusiak jakinarazi behar dizkie gainerakoei. Agenda 21n helburu nagusiak garai desberdinetako lanbideak ezagutzea, familien erosteko ohiturak aztertzea… da. Horrez gain, beste hainbat gaiekin lotutako ekintzak burutuko dira: lan-fitxa baten bidez gaur egungo egoera eta etorkizuna aztertuko dute, inkestaren bidez, familiek dituzten erosketa ohiturak aztertuko dituzte.

Duela bi aste Agenda 21ekin lotuta dagoen proiektu bat jarri zuten martxan. Ikasgela bakoitzean lan fitxa bat jarri dute. Lan fitxa horren helburua ikasgelan dagoen tenperatura neurtzea da. Egunero goizeko 10:00etan gelako arduradunak lan fitxa bete behar izaten du. Gehienetan, berogailuak piztuta daudenean leihoak irekita edukitzen dituzte, hori dela eta, proiektu hau martxan jartzea erabaki dute.

Bestalde, haurrak kutsaduraren inguruan kontzientziatzeko bideo batzuk ikusi zituzten:
https://www.youtube.com/watch?v=cvakvfXj0KE&t=72s

Beste proiektuetako bat, Bidelaguna deitzen da. Ikastolako indartze neurrien programa berraztertu ondoren eta inklusibitatea eta aniztasunaren trataera kontuan izanik, duela urte batzuk proiektu berria osatu zen.

Proiektu hau, beste gelakideen mailara iristen ez diren ikasleei laguntza osagarria eskaintzen zaie. Horrela, irakurketa-idazketa prozesua eta ulermenean gabeziak betetzen laguntzen dizkigute.

Proiektu honen helburu nagusiak, besteak beste, euskara maila hobetzea, Lehen Hezkuntzako helburuak gainditzea eta lan ohitura onak eta konstantzia bultzatzea da. Hori dela eta, irakasle bereziak, esate baterako, Pedagogia Terapeutikako irakasleak etortzen dira. Laguntza osagarria behar duten ikasleei laguntza eskaintzera. Proiektu honen bidez, ikasteko hainbat estrategia lantzen dira: arreta jartzea, buru-belarri aritzea, ulertzen ez dena galdetzea… Proiektuaren izenak Bidelagun dioen bezala, bakarrik ez egoteko eta oinarrizko konpetentzietan dituzten hutsuneak betetzeko baliagarria izan daiteke.

Kaixo!

Laugarren astean gaude, eta konturatu gabe, gero eta gutxiago falta da esperientzia zoragarri hau
amaitzeko. Sarrera honetan, eskolan dauden proiektuei buruz hitz egin behar dugu.

Lehenengo ziklo honetan (1.maia eta 2.maia) irakurriz gozatzeko proiektu bat martxan dago.
Bularretik mintzora egitasmoarekin parte hartzen dute. BULARRETIK MINTZORA
egitasmoa

kanpaina sistematizatu bat izateko bokazioz jaio zen 2008an. Euskal Herriko haur txikien guraso eta hezitzaileei zuzenduta dago eta bere helburu nagusia da 0-8 urte bitarteko haurrengan irakurketa ohiturak sustatzea, haien gurasoak eta hezitzaileak bitartekari direlarik.Irakurketa garatzen den inguru naturalean gauzatzen da kanpaina. Informazio gehiago nahi izanez gero, hemen utziko dizuet web orria: https://www.bularretikmintzora.org/

Astero, zerrenda jarraituz, tokatzen zaion umeak, motxila bat eraman behar du etxera.
Motxila asteburu oso batean etxean egoten da, eta umea liburutegira joan behar da eta
BULARRETIK MINTZORA kanpainako liburu bat aukeratu behar du. Ondoren, hautatutako liburua
irakurri behar du, bai haiek bakarrik, bai nagusien laguntzarekin. Astelehen horretan umeak liburua
motxila barruan eraman behar du haien klase kideei erakusteko. Umea klase erdian jartzen da eta
irakurritako liburuaren “laburpen” txiki bat egin behar du. Ondoren, irakasleak liburua ozen irakurtzen
du eta ume guztiek entzuten dute. 

Liburua landu eta gero, beste gela kideari pasatzen zaio beste liburu hartzeko ardura.

Esan beharra dago, San Andres eskolak beste proiektu batzuetan parte hartzen duela, adibidez Agenda 21-ean baina ez dut ikusi proiektu hau praktikan jartzeko ekintzik. Euskararen erabilera bultzatzeko Eibarko futbol taldeak txarlak, abestiak, jolasak, ... egiten dituzte eta Euskaraldian parte hartu zuten.

PROIEKTUAK

Kaixo!!

Praktiken amaiera gero eta gertuago egonda, aste honetan proiektuei buruz hitz egiteko momentua heldu da.

San Andres ikaskolak haibat proiektu jarri dute martxan aldi berean, haien artean AGENDA 21 eta Bidelagun.

Eskoloara sartu bezain  pronto, nire irakaslea Bidelagun proiektuari buruz hitz egin zidan oso berria zelako. Egunero eskolara Bidelaguneko laguntzaile batzuk etortzen dira umeak laguntzera. Ikasleen bazkal ordua iristen denean, laguntza gehiago behar duten ikasleek gelan gelditzen dira laguntzaileekin. Laguntzaileak ordu bat egoten dira umeen galderak erantzuten, egunean ikasitako gauza berriak errepasatzen edota astean zehar egongo diren lanak aurreratzen.


Horrez gain, eskola guztietan martxan dagoen beste proiektu bat ere dago, AGENDA 21. Hilero mailaka ekintza desberdinak egiten dituzte gai baten inguruan.

Hilabete honetan Birziklapena aukeratu dute gai gisa. Eskolan kontzienzia handia dago gai honen inguruan badakitelako gaur egungo egoera. Klasean astero ardurak banatzen dituzte eta arduren artean, biziklapena mantenzearen ardura dago. Hilabete honetan, 6. Mailakoak, eskolako iturri guztietara joan dira konprobatzeko ur gehiegi botatzen ez dituztela. Behin emaitzak jasota, Perurengana (atezainarengana) joango dira hark arazoa konpontzen zaiatzeko eta ahal de ur gehiena aurrezteko.

PROIEKTUAK

Kaixo!

Practicum-aren azken txanpara iritsi gara, lau aste pasa dira jada. Honako sarrera hontan, La Salle Legazpi ikastetxeko 5.mailan egiten dituzten proiektuei buruz hitz egingo dizuet.

Hasteko, Agenda 21 proiektuan parte hartzen dute. Hilabetean behin bilera bat egiten dute eta bertan, LH.1-DBH.4 bitarteko maila bakoitzeko bi ordezkari bilatzen dira. Bilera bukatzean, ordezkari bakoitza bere gelari bileran esan denaren berri ematen die. Aurten, ekologiarekin, hondakinekin, birziklapenarekin...egingo dute lan. Hilabete honetako bileran, erabaki dute "ostirala plastikorik gabe" aurrera eramatea. Orduan, ostiraletan plastikoa ez erabiltzen saiatu behar dira.

Honekin lotuta, Sasietakoak "Hondakinak Kitto" programa sortu dute. Bertako 2 neska, gelara etorri ziren ikasleei berrerabiltzearen, birziklatzearen eta murriztearen garrantzia azaltzeko. Honi esker, ikasleak Agenda 21-eko "ostirala plastikorik gabe" programa aurrera eramateko informazio gehiago dute eta plastikoa ez erabiltzeko "alternatibak" dituzte.

Bigarrenik, Ikaskuntza kooperatiboa erabiltzen dute beraien egunerokoan. Aurreko sarreretan esan bezala, 4-ko taldeetan daude eserita, eta proiektu honi esker, talde bakoitzeko ikasle bakoitza rol bat dauka. Mahai bakoitzean begiralea, koordinatzailea, antolatzailea eta bozeramailea dago, eta astero rolez aldatzen doaz.

Hirugarrenik Hara proiektua aurrera eramaten dute. Honako hau, hiru atal desberdinetan banatuta dago.  Lehenengo atala, Gorputz lanketa da, bereziki, arnasketan oinarritzen da. Bigarrena, adimen emozionalean oinarritzen da eta azkeneko atala, transzendentziara irekitzean datza, hau da, gizartean gertatzen den gauzetaz jabetzea, pertsonak ezagutzea...
Programa hau, hiru hiruhilekoetan egiten da, eta hiruhileko bakoitzean, atal bakoitza bi aldiz egiten da. Guztira, hiruhileko bakoitzean 6 saio egiten dituzte.


Azkenik, "Lectura Eficaz" egiten dute. Honako hau, euskarako eta gaztelaniako ikasgaietan egiten duten proiektua da. Honako hau, testu bat irakurtzean eta gero ordenagailuan (Sallenet plataforman) test moduko froga bat egitean datza, irakasleak ikus dezan zein den gelako ulermen maila hizkuntza horretan.

PROIEKTUAK

Praktiken amaiera ate joka daukagun honetan, eskolako proiektuez mintzatzea tokatzen da.
San Andres eskolan, gaur egungo eskola askotan bezala, Agenda 21 proiektuak indar handia dauka, izan ere, ingurugiroari buruzko hainbat alde edo alorrek zein garrantzia duten eta hori ekiditzeko planetaz ohartzea du helburu.

Nire tutoreari galdetu nion proiektu honi buruz, eta, hilero hainbat ekintza egiten dira, mailaka. Maila bakoitzak gai berdinari buruzko ekintzak egiten ditu. Adibidez, aurreko hilabetean, urrian, kutsadura izan zen gaia, eta, 2.mailan, tutoretzan bi klaseak elkartu ziren, eta kutsadurometroa egin zuten: Kutsadurometroa kutsadura neurtzeko aparatua da, kartulina batekin egin zuten. Gaur egun gehien kutsatzen duten aparatuak 1etik 100era bitarteko zenbakietan kokatu behar zituzten. Gehien kutsatzen zuten aparatuak, aerosolak eta autoak atera ziren, gehiengoak hala erabakita (aurretik informazioa eman zitzaien gaur egungo kutsadura zerk bultzatzen duen).


Oraingo hilabete hontan, beste gai bati buruz jardungo dute: Birziklapena. Gai honen inguruan, San Andresen, kontzientzia handia dago, badakite zein den gaur egungo egoera, eta, zein kontenedoretara bota behar den zer oso argi daukate. Datorren astean egingo dute ekintza bat honi buruz, mailaka berriro ere, adina eta mailari dagokion ekintza.

PROIEKTUAK

     Kaixo guztioi!

     Gure praktikaldiaren azken txanpara heltzen ari gara eta gaurkoan, gure ikastetxeetan ikus ditzakegun proiektu ezberdinei buruz hitz egingo dugu. 

       Jakin badakit, Zestoako Herri Ikastetxean hainbat proeiektu ezberdin daudela martxan, baina esan beharra daukat, 4 aste hauetan 2 proiekturekin aritu naizela zuzenean harremanetan. 

     2 proiektu horien artean lehena, Irakurketa Plana dugu. Proiektu honen helburua, ikasleak irakurketa eta horrek dakarren ulermena lantzera bideratzea da. Orokorrean, irakasgai gehienetan, indar handiagoa ematen zaio idazteari, irakurtzeari baino, eta beraz, bigarren hau sustatzeko, hari bakarrik zuzendutako irakasgaia dugu. Astean behin gutxienez, ikasleek irakurketa deituriko irakasgaia dute. Bertan, irakasleak, ikasle bakoitzari albiste edota ipuin bat ematen die. Lehenik, irakasleak pare bat aldiz altuan irakurtzen du. Ondoren, ikasle bakoitzak berea irakurtzen du, eta azkenik, binaka jarri eta txandakako irakurketa burutzen dute. Prozesu hori gauzatzen ari den bitartean, irakasleak banaka ikasle bakoitzari deitu eta ipuinaren zati bat irakurtzeko eskatzen dio. Horrela irakaslea, ikasle bakoitzaren irakurketa maila neurtzeaz arduratzen da. Irakurketa lan hau egin ondoren, testuak dakartzan ulermen galderak erantzun behar dituzte. Denak batera lanean aritzen direnez, zaila da jakitea bakarrik edota ondokoari begiratuta erantzun dituzten galderak, beraz, noizean behin, banaka eseri eta banakako irakurketa eta hari dagozkion ulermen galderak burutzen dituzte. 

     Azalduko dudan bigarren proeiktua oso proiektu berezia iruditzen zait. Zestoako Herri Ikastetxeak, Zestoako San Juan Egoitzarekin duen proiektu bat da hain zuzen. Proiektu hau aspalditik dago martxan, bertan ikasten nuenean bizi izan bainuen baina esan beharra daukat orain eman duen aurrera pausoak benetan arritu nauela. Aspalditik, egun puntualetan, esaterako, gabonak, inauteriak eta horrelako datak iristen zirenean, ikastetxeko ikasleak San Juan Egoitzara joaten ginen eta bertan zenbait ekntza burutzen genituen han aurkitzen diren aiton-amonekin. Egun horiek oso bereziak ziren bai geuretzat eta bai bertakoentzat ere eta oso ondo pasatzen genuen guztiok batera. 

         Hori horrela izanik, badirudi proiektu hau zabaltzea erabaki dutela, hau da, egunerokotasuneko zerbait bilakatzea erabaki dute. Hori dela eta, egunero-egunero, ikastxetxeko gela bakoitzetik ikasle bat egoitzara joaten da, guztiek joan ahal izateko, astero ikasleak txandakatzen joaten dira. Bertan, eskolako sistema ez apurtzeko eta ikasleak eroso sentitzeko, txoko ezberdinetan aritzen dira lanean. Nire taldekoei garbiketa txokoa egokitu zaie eta bertan, arropak garbitzera bota, tolestu, armairuetan jaso eta horrelako ekintzak burutzen dituzte. Kanpotik, pilabat nabari dut oso gustora daudela proiektu honekin, beti zai baitaude beraien txanda heltzeko. Goizean 11:15 aldera tokatzen zaien ikasleak bildu eta denak batera joaten dira eta 12:15 alderako itzultzen dira. Itzulitakoan, egun horretan egin dutena azaltzen digute. 

       Proiektu hau oso priektu berezia izateaz gain, behar-beharrezkoa iruditzen zaidan proiektu bat da. Honi esker, ikasleak errealitatearekin harremanetan jartzen dira eta errealitate hori aurrera eramateko egin behareko esfortzuaz ohartzen dira. Ikasleek ikasi egiten dute zein garrantzitsua den laguntzea eta laguntza horrek nola eragiten duen besteengan. Esan beharra daukat ikasleentzat oso esanguratsua izan arren, bertan aurkitzen direnentzat ere poztasun- iturri aberasgarria dela haurren bisitak jaso eta haiekin ekintzak burutzen aritzea. 

PROIEKTUAK

Arratsalde on,

Tira, jadanik igaro da laugarren astea ere, zer azkar pasatzen den denbora gustuko duzuna egiten ari zarenean… Aste bakarra besterik ez da falta praktikaldi hau bukatutzat emateko, eta egunak joan, egunak etorri gauza berriak ikasten ari naiz, eta oraingo honetan aurretik behatu ez ditudan proiektuak aztertzeko zeregina egokitu zaigu. 

LH2. mailako gela batean nagoen heinean, bertako irakasleei proiektuei buruz galdetzen jardun dut, eta hauek lantzen dituztela aipatu didate: STEAM (zientzia-hezkuntza), ikasketa kooperatiboan oinarritutako metodologia eta BIZIKASI ekimena. Horrez gain, jakinaren gainean nago ikastetxeak beste hainbat proiektu ere sustatzen dituela, besteak beste, Agenda 21, Irakurketa plana eta Elkarbizitza.

STEAM, Science, Technology,  Engineering, Art y Mathematics diziplinak identifikatzen dituzten siglak dira, eta ikasleen arteko bokazio zientifiko-teknologikoaren sustapenean eta orientazioan oinarritutako proiektua da. Helburu nagusia, hezkuntza zientifikoa bultzatzea da eta horretarako, metodo zientifikoan oinarritutako esperimentazioa baliatzen dute Luzaro eskolako irakasleek. Metodo zientifikoa, zientzietan jakintza berriak eskuratzeko erabiltzen diren pausu multzoa da, baina astean zehar behatu ondoren, aurretik esan dudan moduan, nire tutoreak jarraitzen dituen pausuak esperimentazioan dute oinarria. Hau da, behaketaren ondoren formulatutako hipotesia esperimentazioaren bidez frogatzea, hain zuzen. 

Beste alde batetik, ikasketa kooperatiboan oinarritutako metodologia ere sustatzen da, helburu nagusia, zeregin akademikoak ebazteko orduan koordinatutako elkarlana bultzatu eta ikasleen ikasketan sakontzea da. Hau aurrera eramateko, ikasgelan A eremua jorratzen dute, hau da,  talde kohesioari lotutako jarduna. Bigarren sarreran aipatu nuen moduan, ikasleak lauko taldeetan eserita daudela aprobetxatuz, ikasle bakoitzari, talde-lana sustatzeko betebehar bat ematen zaio: bozeramaile, idazkaria eta materialaren eta isiltasunaren arduraduna. Rol hauek astero aldatuz doaz eta ostirala heltzen denean, ebaluaketa bat egiten dute.

Bizikasi proiektuari dagokionez, eskola jazarpenaren aurkako eta elkarbizitza positiborako ekimena da. Helburua, konstruktu bat sortzea da, eskola-jazarpenari modu sistematikoan eta hezkuntzaren bidez aurre egiteko, eta elkarbizitza positiborako dinamikak sustatuko dira, edozein indarkeria mota agertzea ekidite aldera.

Azkenik, hain ospetsua den Agenda 21 proiektua ere martxan dago. LH1etik LH6rako ikasleak (gela bakoitzeko ordezkaria) bilera batean biltzen dira. Bilera horretan, gai ezberdinei buruz hitz egiten dute eta ondoren ordezkari hauek gainontzeko ikaskideei helarazten die kontatutakoa. Horrez gain, astero gai honi buruzko asmakizun bat idazten dute eskolako sarreran eta ikasle bakoitzak erantzuna kaxa batean sartuko du, bertatik papertxo bat atera eta egokia bada, ikaslea saritua izango da.