ANIZTASUNA

Aniztasunari buruz hitz egitean ia ezinezkoa da arrazari buruz hitz egitea. Gelan beltzaran bat zegoen, beste 2 Latino Amerikatik, ijito 1, Errumaniako beste bat eta Marokoko beste bat.   Gutxienez nik ez dut ezta arrazakeria seinale bat ikusi ez gela barruan ez jolas orduan. Alde horretatik oso pozik nago.

Aparte irakaslea hitz egin zion sexismoari buruz, eta badaudela bikoteak ez direna tradizionalak ( emakume eta gizon ), badaudela bikote homosexualak, etab… Baita ere hitz egin zien gustu sexualei buruz, badaudela heterosexualak, bisexualak, homosexualak…

Honekin lotuta, nesken eta mutilen arteko ona dela uste dut. Noizbehinka, haserretzen dira, baina, hori da txantxetan daudelako eta azken finean normala da baten haserretzea. Hala ere, ez dut ikusi diskriminazio edo mina egiteko asmorik haien txantxetan.

Bi ikasle harreman “txarrak” baina gehiago zailtasun sozialak zituzten. Horietako bat barnerakoia zen edo oso lotsati, horrezkero jolas orduan batzuetan bakarrik zebilen edo bere munduan, eta gelan barruko ekintza batzuetan, batez ere besteen aurrean hitz egiteko orduan, ez zuen parte hartzen ez zuelako nahi lotsaren ondorioz. Eta beste ikasle gelan barruan ez zuen “ezer” egiten, idatzizko lanetan ez zuen parte hartzen, bakarrik zegoen prest irakaslearen galderei erantzuteko. Gainera ezer egiten ez zuen bitartean lan giroa hausten zuen soinuak eginez edo zarata ateraz.

Aipatu beharra dago aurtengo ikasgelan daudela 3 errepikatzaile baina hala ere denbora gutxi batean oso lagunak egin direla edo gutxienez ala azaldu zidaten umeek.

Aniztasuna

Kaixo!

Mundu osoko pertsona talde guztietan edo ia guztietan bezala, nire praktika aldi honetako ikasle taldean ere aniztasun handia ikusten dut. Lehenik eta behin, talde honetan ikasle euskaldunak, marokoarrak eta pakistaniarrak daude, hortaz, kultura eta ohitura ezberdinak dituzten familietatik datozen umeak daude. Badaude ere etxean betidanik euskaraz hitz egin eta entzun dutenak eta alderantziz, inoiz ere ez dutenak euskaraz entzun ez hitz egin. Hau dela eta, euskaraz idazterako orduan ikasle batzuek beste batzuek baino zailtasun handiagoak dituzte. Hala ere, ulermenari dagokionez denek ulertzen dute ondo euskeraz.

Bestalde, umeen jarrera edo portaerari dagokionez, desberdintasun handiak ikusten ditut batzuen eta beste batzuen artean. Ikasle batzuk oso lasaiak eta isilak dira, beste batzuk aldiz, asko hitz egiten dute eta klaseak askotan mozten dituzte, edota asko mugitzen dira, aulkiarekin jolasean adibidez. Badaude baita ere taldean lan egitea oso gustoko duten ikasleak edo alderantziz, bakarka lan egitea nahiago dutenak eta besteek beraien lana ez kopiatzeko, ez erakustea nahiago dutenak.

Atentzioa asko deitu didan zerbait da ikasle batzuek, ez badute inor gainean lana egiteko esaten ez dutela ezer ez egiten, edo altuan irakasleak zerbait galdetzen duenean ez dakitenak erantzuten, baina irakasleren bat gainean badute ikaslea ez despistatzeko ariketak egiteko oso erraz egiteko gai dira.

Gela guztietan gertatzen den bezala, badaude dena oso ondo eta erraztasunez ulertzen duten ikasleak eta alderantziz. Baina bigarren kasuko ikasle horiek ez dira klasetik ateratzen errefortzuko irakasleekin lan egiteko. Izan ere, badaude laguntzako irakasleak baina ikasleak beraiengana joateko klasetik atera beharrean, beraiek joaten dira klasez klase beharrezkoa duten ikasleei laguntzeko.

                                                               ANIZTASUNA


Praktikak aurrera joan ahala, gelan dudan aniztasuna gero eta nabariagoa da. Izan ere, alde batetik, aniztasunari buruz hitz egiteko orduan, gehienetan mutil eta nesketan edota atzerritarretan pentsatzen dugu. Beraz, kasu hauei dagokienez, nire gelan neska eta mutil kopurua nahiko berdintsua dela esan beharra daukat; 9 mutil eta 8 neska baitaude, betiere garrantzitsua da azpimarratzea neska edota mutil izateak gela honetan ez duela inolako pribilegiorik ematen, denak berdin tratatzen baitira. Atzerritarrei dagokionez, niri praktikak egiteko tokatu zaiten gelan; Marokotik txikitatik etorritako neska bat dago, Urugaitik duela urte bete etorritako beste bat eta Kolombiatik etorritako beste neska bat daude. Beraz, azken bi hauei, euskera ikasteko astean bi orduz gelatik ateratzen dituzte eta beste gela batera joaten dira irakasle desberdin batek euskara azkarrago edo hobeto ikas dezaten.

Horrez gain, aniztasuna ere beste egoera batean ematen dela ikusi dut. Nire gelan, ia uneoro laguntza berezia behar duen neska bat ere badago. Honek, mikrozefalia, hiperaktibitatea eta atzerapen psikomotorea ditu. Beraz, haur honek uneoro beste gelakideek behar ez dituzten laguntzak behar izaten ditu. Izan ere, ikastetxeak laguntza hori eskaintzen dion irakasle bat dauka eta astean hainbat ordu egoten da haurrarekin, nahiz eta ez den beste gela batera joaten, bertan gelditzen da irakasleak berarentzat aproposak ikusten dituen lanak burutzen.

Pertsonalki, bakoitzak ikaskuntza-maila desberdina duen arren, orokorrean antzekoa izaten dute adin edo gela bereko haurrek. Baina nire kasuan, gelan, beste 16 gelakideak baino aurreratuagoa dagoen haur bat dagoela antzeman dut. Esate baterako, irakasleak, matematikako arloan, besteek egiten duten lan berdina egiten amaitzen duenean, irakasleak nahiko maila altuagoko lanak ematen dizkio. Esan dezakegu, haur honek, zerbait berezia, desberdina edota anitza duela besteekiko.

Esan beharra dago, aniztasuna bizitzako eremu guztietan eta pertsona guztien artean dagoela. Hau da, pertsona bakoitza desberdina da eta munduan ez daude berdinak diren bi pertsona. Hori dela eta, oso aberasgarria da aniztasuna, besteengandik ikasteko aukera ematen digu eta besteek guregandik ikasteko aukera ere bai.

Aniztasuna

Kaixo!

Jada bi aste egin ditut Zestoako herri ikastetxean praktiketan eta bai nire gelan eta bai ikastetxean orokorrean dagoen aniztasunaz konturatu naiz.

Nire ikasgelan kultura aniztasuna nabaritu dut, Zestoan jaiotako ikasleez gain, ikasle Dominikar, Marrokiarrak eta abar baititut gelan. Baina horretaz gain eskolako beste haurrak ikusiz, nabari da kultura oso ezberdinak ikusi ahal direla ikastetxean. Horretaz gain, nire ikasgelan genero aniztasuna aurki dezakegu, kopurua nahiko orekatua baitago neska eta mutilen artean.

Baina aniztasuna ez da kultura edo generoaren inguruan aritzea bakarrik, hitz horrek ezberdintasun guztiak hartzen ditu barnean. Ikasgelan, ikusi ditut lanean bakarrik aritzea gustatzen zaien ikasle asko eta alderantziz, ahal den guztian laguntzea nahi dutenak. Bestalde lanerako gogoarekin dauden haur batzuk ditut ikasgelan eta beste batzuk etxean gelditzea nahiago dutenak edo beti jolasean aritu nahi dutenak. Ikasle guztiak oso ezberdinak dira beraien artean, eta nahiko harrigarria iruditu zitzaidan, hain ezberdinak direnak batera esertzeko gogoa izaten dutela sarritan, uste bainuen hau beti berdinen edo antzekoan artean ematen zela. Guztioak gara oso ezberdinak baina egia da batzutan gure antzekoen bila ibiltzen garela, baina oso garrantzitsua iruditzen zait ikasle guztiak bustitzea eta jende oso ezberdina ezagutzera animatzea. Bakoitzarentzat izugarri aberasgarria izan daiteke pentsamendu, izaera, kultura eta abar ezberdinak dituen jendea ezagutzea eta hauekin hitz egitea, gauza berriak ikasteko aukera izan daitekelako.

Metodologia honetan, beste sarreretan esan bezala, 2 maila batera daude, beraz, 3. eta 4. mailak ditut ikasgela berdinean, hemen ere ikus daiteke nolako ezberdintasunak dauden eta nola laguntzen diren beraien artean. Ez soilik 4.mailakoek 3.mailakoei, baizik eta guztiek guztiei. Hor ere ikusten da aniztasuna, ikasle batzuk arlo batzutan dituzten erraztasun edo zailtasunetan. Nahiz eta 4. mailan egon ez du esan nahi gai guztiak hobeto jakin behar ditunik eta maila bat beheragoko ikasle batek lagundu diezaioke.

Bigarren zikloko ikasle guztiak joan den astean bi egun kanpoan izan ziren eta aukera izan nuen egun batean lehenengo zikloan egoteko eta bestean hirugarrengoan. Hor ere oso argi ikus daiteke nola aldatzen den ikasgela batetik bestera bai lan giroa eta bai klasea emateko modua, ez da berdina ikasle oso isilak dauden gela baten edo hitz egitea uzten ez duten gela baten irakastea.

Beraz, aniztasuna ikusi dut atal askotan, pertsona bakoitza oso ezberdina baita, horrek talde ezberdinak sortzen ditu eta horrek irakasleari moldatzea eskatzen dio. Zein ikasle mota dituen aztertu, ea behar bereziak dituzten ikusi eta ikasgelako giroa eta taldeen antolaketa moldatu beharko ditu faktore askoren arabera.

ANIZTASUNA

Kaixo!

Burutu dut praktiketako bigarren astea eta oso gustura nabilela esan beharra daukat. Ikasgela batean sartu arte ez zara ohartzen irakaskuntzak atzetik duen benetako lanaz, ezta ikasgela batean dagoen aniztasunaz ere. Hain zuzen ere, sarrera honetan horri buruz hitz egitea egokitu zaigu, hau da, aniztasunari buruz.

Lehendabizi esan behar dut praktika hauetan ikasle talde bat baino gehiago ezagutzeko aukera izan dudala eta talde batetik bestera izugarrizko desberdintasuna dagoela. Izan ere, talde batzuetan klaseak ematea askoz errazagoa da beste batzuetan baino, beraien jarrera dela medio. Horrez gain, esan beharra dut nire praktiketako ikastolako klaseak mistoak direnez, neska eta mutilez daudela osatuta. Gainera, talde bakoitzean adin desberditenako umeak daude, hau da, ziklozka daude antolatuak taldeak.

Hori argi geldituta, talde batean dagoen aniztasunean zentratu nahiko nuke. Hasiera batean aniztasun hitza aipatzean neska eta mutilen arteko desberdintasunak, kultura desberdinak, maila sozioekonomiko desberdindun familiak... etortzen zitzaizkidan burura. Orain ordea uste dut hori guztia garrantzitsua den arren, ikasle bakoitza desberdina dela eta ezin dela ikasgela bateko aniztasuna ezaugarri batzuekin deskribatu.

Esaterako, nire ikasgelan badago neskato nahiko berezi bat. Edo hala da niretzat behintzat. Dirudienez oso haurtzaro zaila pasa zuen beste herrialde batean. Ez dakit zein den herrialde hori baina nire ondorioen arabera, herrialde azpigaratu bat da. Oso zaila da berarentzat ikasgelan egon beharreko orduetan aulkian eserita eta isilik egotea eta gainera etengabe atentzioa lortu nahian ibiltzen da. Hori guztia horrela izanda ere, ume maitagarria dela esan beharra dut, izan ere, tutoreari besarkada mordo bat ematen dizkio eta batzuetan niri ere bai. Gainera, marrazki pilo bat egin dizkit eta nire altxortxoak izango balira bezala gordetzea erabaki dut.

Bestalde, ez nuke inongo arazorik gabeko ikasleak aipatu gabe gelditu nahi. Ikasleen gehiengoak ez du laguntza handirik behar izaten klaseak jarraitzeko eta lanak egiteko. Hala ere, badaude zailtasunak dituztenak ere eta horientzako zenbait klasetan laguntzako beste irakasle bat sartzen da. Hori gutxi ez, eta ikasle bakoitzak gustu eta zaletasun desberdinak dituzte eta ekintzak egiteko garaian kontutan hartu beharreko faktore bat dela esango nuke.

Hau guztia esanda, aipatu nahiko nuke aniztasuna aberasgarria dela ikasgela batean. Izan ere, gizartean dagoen aniztasuna ikusteko modu bat dela esango nuke. Gainera, nahiz eta elkarren artean desberdinak izan, nik uste dut neurri batean, ikasgela barruan eta zenbait jarduera burutzako garaian zenbait desberdintasun ahaztu egiten direla.

Kixo guztioi!

Bigarren astea bukatuta, Aniztasunari buruz hitzegiteko momentua iritsi da. Nire klasea mixtoa da, hau da, neskak eta mutilak daude.

San Andres eskolara duela hilabete etorri zen ikasle bat duakagu, Fatima. Fatima Murtziatik etorria da Euskal Herrira.  Ez daki euskaraz hitz egiten baina egunero klasekideen laguntzan, euskera ikasten du. Batzutan auxiliar batekin joaten da bereziki euskera lantzera baina gehienetan klasean guztiekin egoten da.

Beste klaseetan bezala aniztasun handia dago, izan ere, ez daude bi ikasle berdinik nahiz eta gelan bi ikasle bikiak izan, Conde ahizpak. Autismoa duen ikasle bat dago klasean, Nahia. Nahia denbora gehiena klaseekideekin gelan egoten da, baina, noizean behin, klasetik irtetzen da auxiliar batekin.

Gutxitan klasera etortzen den ume bat ere dago. Ikaslea ijitua da eta beti familiarekin egoten da klasera joan ordez. Eskolan oso larrituta daude, hilabete batean lau egun bakarrik etorri delako. Nire tutorea da gehien larritzen dena eta berak dio etxeko txikiena denez, uste duela ikaslea beti etxeko txikiena izaten  jarraitzea nahi dutela eta horrela, dependentia izatea.

Gelan segurtasun handia duten ikasleak daude baina ia haiengan segurtasunik ez dutenak ere. Askotan ariketa bat hasi baino lehen laguntza eskatzen didate nahiz eta haiek erantzuna jakin edo erantzuna lortzeko kapaz izan.

Bukatzeko esan nahi dut irakasleak gauza hauetaz jabetu behar dela eta behin honetza jabetuta egon, haien ikaslei ahal denenan, beti laguntzeko prest egon behar direla.

Aniztasuna

Kaixo guztioi!

Jada igaro da praktiketako bigarren astea, eta oraingoan aniztasunari buruz hitz egitea tokatzen zait. Hitz hau entzutean, kultura ezberdinetako pertsonak, etorri zitzaidan burura lehenengo momentuan, hala ere, egunak igaro ahala ohartu naiz ikasgela batean aniztasuna dagoela esateko beste hainabt arrazoi eta ezaugarri ere badaudela, esate baterako, generoa, adina, kultura, ikasteko momentuan dituzten ezberdintasunak...

Praktiketan ari naizen ikasgelan, lehengo astean aipatu bezala ikasgela mixtoak (neskak eta mutilak erdi eta erdi) eta bi maila ezberdinetakoak dira. Hau horrela, edukiak lantzerako momentuan desberdintasun nabariak dituzte. Esaterako, laugarren mailako ikasleek idazterako eta irakurtzerako garian habilezia handiagoa dute hirugarren mailakoek baino.

Atzerritarrei dagokienean berriz, 4  daude nire ikasgelan. Horietatik 3 bertan jaioak edo oso txikitan etorriak dira, beraz, maila atuxeagoan ala bajuxeagoan baina ondo moldatzen dira bai euskararekin bai eta ikasgai gehienekin ere. Bestea, aurten iritsi da Zestoara bere herrialdetik, beraz, euskaraz oso gutxi ulertzen du, hala ere, bere jatorrizko hizkuntza gaztelania denez, ikasle naiz irakasleekin komunikatzeko ez du arazorik. Ikasle honi, euskaraz erakusteko laguntza berezia ematen zaio hainbat ikasgaitan, batzuetan bertan eta beste batzuetan ikasgelatik kanpo. Honez gain, ikaskideek ere ikaragarri laguntzen diote klasean zehar, ikasleen aurkezpenetan esaterako, alboan daukanak azalpenaren nondik norakoa azaltzen dio gaztelaniaz.

Behin hau esanda, nire ustez oso garrantzitsua da irakasleak egoera gutzi hauetaz ohartzea eta haurrak berdintasunez tratatzea, izan ere, irakaslea haurren erreferente dela kontuan izanda, berak egiten dituen ekintzek eragina izan dezakete gainontzeko ikasleen jarreretan.

ANIZTASUNA

Bigarren asteari dagokionez, aniztasunari buruz mintzatuko gara. Gaur egun asko entzuten den hitz bat izanik, gure eskolan ere, aniztasun anitza nabari da. 

Nire gelari dagokionez, ikasle mutilen eta nesken kopurua oso antzekoa da, eta 48 ikasle horietatik 4 atzerritarrak (mutil bat eta hiru neska). Laurek denbora ezberdina daramate hemen eta euskararekin zailtasun batzuk dituzten arren, ondo moldatzen dira gainerako ikasleek ere laguntzen dietelako. Zailtasun batzuk dituztela aipatu dudan arren, ulermen maila nahiko altua dute eta oso ondo integratzen dira bertan, hori dela eta, ez dute aparteko laguntzarik jasotzen eta ordu guztiak gainontzeko ikaskideekin batera egiten dituzte.

Beste ikasle batek berriz, premia bereziak ditu autismoa duelako eta ikasle honek hainbat laguntza jasotzen ditu. Autismoa duen arren, oso autonomoa da eta ez du arazorik ikaskideekin harremantzerako orduan. Hala ere, ordu batzuetan, auxiliarra sartzen da gelan berari laguntzeko eta  beste batzuetan, logopeda etortzen da edota berarekin gelatik kanpo egoten da. Hauez gain, astean beste ordu bat izaten du igerilekura joaten dena baina hauek kenduta beste guztia ikaskideekin gelan egoten da eta eginbehar berak egiten ditu.

Nire gela LH1eko izanik, ikasle bakoitzaren gaitasunak nabarmentzen dira, gehienbat idazterako eta irakaurtzerako garaian. Batzuk erraz moldatzen diren bitartean, beste batzuk oraindik zailtasunak dituzten hizkiak identifikatzerako orduan, beraz, laguntza gehiago behar dute, hala ere, guztiek gero eta interes handiagoa erakusten dute hizkiekin lan egiterako orduan.

Jolasak aukeratzerako orduan ere ezberdintasunak nabarmentzen dira, izan ere, batzuek nahiago izaten dituzte oso mugikorrak diren jolasak (futbola, saski baloia, korrika...) eta beste batzuk berriz, euren artean kontuak esan edota mahai jolasetan ibili (xakea, partxisa...).

ANIZTASUNA

Kaixo!

          Aste honekin jada 2 aste daramat praktikaldietan eta nahikoak izan dira dagoen aniztasunaz klasean konturatzeko. Denok dakigunez, aniztasuna era askotakoak izan daiteke.Izan ere, pertsona bakoitza oso desberdina da, hori dela eta, ez dira existitzen bi pertsona berdinak. 

          Alde batetik, egokitu zitzaidan klasean lehen aldiz sartu nintzenean, arreta deitu zitzaidan lehenengo gauza nesken eta mutilen kopurua izan zen. Hau da, klasean 13 ikasle dira, 5 neskak eta 7 mutilak, honek esan nahi du nahiko orekatuta dagoela genero aniztasuna. 

         Bestetik, jatorri edo kultura ezberdineko ikasleak zeudela nabaritu nuen era errezean. Marrokiak, Pakistanak, Brasildarrak, Euskaldunak eta Italiarrak daude besteak beste. Tutoretza ikasgaiaren ordu batzuetan gai honi buruz hitz egiten dute. Irakasleak galderak egiten dizkie haurrei beraien jatorrizko lekuari buruz. Izan ere, kanpotik etorritako haur guztiak beraien etxeetan bere jatorrizko hizkuntzan hitz egiten dute eta bere kultura eta ohiturak izaten jarraitzen dute. Hortaz aparte, ikasle guztiak oso ondo dakite euskeraz hitz egiten eta idazten, eta gainera, eskara hizkuntzari garrantzia asko ematen diote. Hau da, ikasle batek beste ikaskide bati gaztelaniaz hitz egiten entzuten diotenean, abisu bat ematen diote eta berehala euskarara hitz egitera pasatzen dira. Oso barneratuta daukate euskera, eta denek esfortsu handia egiten dute zuzen hitz egiteko eta beraien hiztegia handitzeko. 

          Ildo beretik, aurreko sarreran esan nuenez, haurrak taldeka daude jarritak, eta hiruko talde batek kontzentraziozko zailtasunak dituzte. Horregatik, PT-ko ( Pedagogia Terapeutikoko irakaslea) irakasle batek dute haiei laguntza berezia. Ikasgai batzuetan bakarrik etortzen da eta beraien ondoan esertzen da behar duten laguntza emateko eta kontzentratuak egoten direla ziurtatzeko. Izan ere, aniztasun maila handia dago intelektualtasunari dagokionez. Haur batzuei ez zaie ezer kostatzen irakurtzea eta idaztea, aldiz, beste batzuei asko kostatzen zaie. Eta berdin gertatzen da matematikako ariketekin eta hainbat jarduerekin, ikasle batzuei asko kostatzen zaie eta beste batzuei ez. 

          Jarraitzeko, beste aniztasun bat aurki daiteke ikastola honetan, eta janariarekin dago lotuta. Hau da, jantokiko 4 menu daude; menu normala, begetarianoa, txerririk gabeko menua eta begetarianoa arrainarekin besteak beste. Honek ustekabean harrapatu ninduen, ikasle guztien ohiturak edo nahiak jaterako orduan errespetatzen dituztelako. 

         Bukatzeko, nabarmendu nahi dut eskolak egiten duen papera gai honekin. Hau da, naiz eta ikasle guztiek desberdinak izan oso integratuak daude eskola barruan. Ikasle bakoitzak behar duen laguntza ematen diote, eta honi esker klasean dagoen giroa bikaina da. 

Aniztasuna

Kaixo guztioi!

   Heldu da nire praktikaldietako 2. astearen amaiera eta horaingo honetan aniztasunaren inguruan hitz egitera hurbildu natzaizue.

   Ikasgelara sartu orduko, irakasleak bertako aniztasun ugariaren berri eman zidan. Izugarrizko arreta deitu zidan, hain ikasle gutxik osatzen duten ikasgela txiki batean aurki daiteken aniztasun tasa altuak. Egunak igaro ahala, ohartu naiz, aniztasuna ez dela soilik genero edota kulturaren inguruan nabari diren ezberdintasunetara mugatzen. Azken finean, pertsona bakoitza mundu bat da eta hori dela eta, geure artean itxurazko ezberdintasunak izateaz gain, barnetik ere oso ezberdinak gara eta mundua oso modu ezberdinetara ulertzen eta interpretatzen dugu.

   Beraz, nire ikaslgelako aniztasun ugaria aipatzen dudanean esan nahi dudana da, ikasleen artean ezberdintasun oso haundiak eta mota askotarikoak ageri direla. Ikasgela neskek eta mutilek osatzen dute baina esan beharra daukat neskak gehiago direla mutilak baino. Jatorri ezberdineko ikasle ugari ere badaude baina izugarrizko poza sorrarazi dit haiek hain ondo integraturik ikusteak. Horrez gain ordea, esan beharra daukat gaitasunei dagokienean ere ikasleak oso ezberdinak direla. Aurreko atalean aipatu bezala, gelan 3. eta 4. mailako ikasleak ditugu nahasian eta beraz horietariko bakoitzak garatuta dituen gaitasunen maila oso ezberdina da. Gainera, garrantzitsua egiten zait azpimarratzea laguntza berezia behar duten 2 ikasle ere baditugula gelan.

   Hau guztia aipatu ondoren, esan beharra daukat oso garrantzitsua dela ikasleei aniztasunaz ohartarazi eta hura errespetatzen irakastea. Azken finean ikasgelan ikasteaz gain elkarbizitza bat daramate aurrera eta elkarbizitza horrek ongi funtzionatzeko ikasleek elkarren artean errespetuz jokastzen ikasi behar dute. Beraz, irakasleon lana da, lehenik eta behin geuk aniztasuna errespetatzea eta ondoren ikasleei hartaz kontzientziatzea. 

Aniztasuna

Kaixo!

Bigarren asteari dagokionez, aniztasunari buruz hitz egitea tokatzen zaigu. Bi aste hauetan ikasgelan zein eskolan dagoen anitasunaz ohartu naiz. Ikasgela gehienetan aniztasuna nabari da, hau da, neskak eta mutilak bereiz daitezke.

Gizartea anitza eta askotarikoa da. Aniztasuna begi bistan dagoen errealitatea da. Hori dela eta, irakaslearen rola pertsonen integrazioa bermatzea da, hau da, pertsonen artean elkarbizitzan sortzen diren arazoei aurre egitea. Oro har, integratuta egoteak askatasun gehiago ematen du, hau da, independenteagoak bilakatzen dira. Integrazioa etortzen direnen nahiz jasotzen dituztenen ardura da. Integrazioa biren arteko kontua da, eta bi aldeak eraldatzen eta aberasten ditu.

Ikasgela gehienetan aniztasuna nabaria da. Orokorrean mutilen eta nesken kopurua antzerakoa edota berdintsua da. Etorkinak era orekatuan banatu dituzte ikasgeletan. Etorkin gehienen jatorria Argelia eta Pakistan dira. Horrez gain, frantzes eta txinatar bat ere badaude. Etorkin batzuek zailtasunak izaten dituzte gure ohituretara eta hizkuntzara egokitzeko. Etorkin horietako batzuk txiki-txikitan etorri ziren eta ez dute euskara ulertzeko zailtasunik. Beste batek, ordea, frantsesa bakarrik ulertzen du. Izan ere, irakasleak frantsesa ulertzen du eta bere integrazioa bermatzen du.

Irakasgaietan gehien erabiltzen den hizkuntza euskara da, gaztelanian izan ezik. Hizkuntza ulertzeko edota laguntza berezia behar duten ikasleentzat, PTEak (Pedagogia Terapeutikako irakasleak)  laguntzera etortzen dira. Gainera, metodologia berriak ikasleen artean laguntzeko aukera ematen du. Zailtasunen bat izanez gero, beraien artean arazoari irtenbidea aurkitzen ahalegintzen dira.

Horrez gain, arazo psikologikoak zein fisikoak dituztenek laguntzaile bereziak dituzte eta denak ikasgela bakar batean elkartzen dira. Ikasgela horri Eguzki Lore deitzen diote.

Aniztasuna eskolan aberasgarria izan daiteke. Gizartea desberdinatasunak ezagutuz eta errespetatuz eraiki behar da.

Arratsalde on!

Bigarren aste honetan, aniztazunari buruz hitz egin behar dugu. Dakigunez, gure gizartea anitza da, beraz, klaseko aniztasuna nabarmena da. Klasean dagoen aniztasuna ondo datorkigu pertsona bakoitza desberdinak garela konturatzeko. Era askotako aniztasunak daudela konturatu naiz.

Lehen, nik uste nuen genero aniztasuna bakarrik zegoela baina nire ikuspegia aldatu egin da. Egia da, klase batera sartzen garenean mentalki ,bi talde handi egiten ditugula zuzenean; neskak eta mutilak. Generoan jartzen dugu gure lehenengo begirada, hau da, genero aniztasunean. Nire klaseko (1A) mutil eta nesken kopurua nahiko orekatuta dago, berriz, beste klasean (1B) mutilen kopurua neskena baino pixkat altuagoa dela esan dezakegu.

Bestetik, etorkinak direla eta, aniztasun kulturala eta aniztasun linguistikoa nabarmentzen dira. Nahiz eta bertakoen kopurua etorkinena baino altuago izan, etorkinen ehunekoa ez da txikia. Batzuek soilik dakite gaztelania, beste batzuek, berriz, euskara pixka bat dakite, edo behintzat ulertzen dute. Ez dutenak  euskara ulertzen edo ez dakitenak euskaraz hitz egiten irakasle berezi batekin joaten dira hizkuntza ikasteko. Esan beharra dago etorkinak gainerako gelakideekin integratuta daudela, eta ez dutela arazorik klase kideekin harremanetan jartzeko.

Amaitzeko, klasean dagoen aniztasun intelektuala arreta deitu dit. Ikasleen arteko desberdintasun intelektuala nabarmentzekoa da. Batzuek idazten, irakurtzen, gehiketak egiten dakite, inolako

laguntzarik gabe, beste batzuek berriz, izena baino ez dute ipintzen beraiek bakarrik. Azken hauei, esan behar diezu zer letra jarri behar dituzten hitza osatzeko banan-banan. Gainera, aurreko sarreran aipatutako zirkulazio libre horretan, klaseko azkarrak beti joaten dira idazteko txokora, edo puzzleak egiteko txokora,... hau da, dezente pentsatu behar diren txokoetara joaten dira.

Lehenengo mailan, Lucas eta Mikel daude, autismoa daukate. Mutilak beti heziketa bereziko irakasle batekin daude nahiz eta gela normalean egon, beraien zailtasunak gainditzen laguntzeko prest.

ANIZTASUNA

Kaixo!

Dagoeneko bi aste igaro dira Practicumarekin hasi ginenetik. Bi aste hauek nahikoak izan dira ohartzeko La Salle Legazpi ikatetxeko 5.B gelan aniztasuna oso nabaria dela. 


Ikasle kopuruari dagokionez, nahiko parekatuta dago, hau da, 10 mutil eta 11 neska daude. Hauetako hamasei bertakoak dira, hemen jaiotakoak. Beste bostak, aldiz, kanpotarrak dira. Haietako bi, Marokotik etorritakoak, beste bi Amerikatik etorritakoak, eta azkenekoa Saharatik etorritakoa da. Kanpotik etorri diren lau ikasleak, 2 urte daramatzate hemen eta euskara ez dute asko menperatzen (ez baitute intentziorik jartzen), baina bostgarren ikaslea, 5 urte daramatza hemen eta bertako umeak baino hobeago hitz egiten du euskaraz.

Gelan erabiltzen den hizkuntza nagusia euskara da eta irakasgai geheienetan erabiltzen ohi da, gaztelanian izan ezik. Irakasle gehienak dena euskaraz azaltzen saiatzen dira, baina batzuetan gauza garrantzitsuak azpimarratzeko, gaztelaniara jotzen dute ikasle guztiak ulertu dezaten.

Irakasgaietan zentratutik, gela hontan aniztasuna daoela argi eta garbi utzi didan irakasgaia Plastika dela, esan dezaket. Bertan, eskulanak edo marrazkiak egiten dituzte eta benetan konturatu naiz ikasle guztiak ez direla berdinak, batzuk imaginazio izugarria dute eta edozer gauza egin dezakete, eta beste batzuk aldiz, zailtasun handiagoak dituzte.

Gelaren egunerokotasunean zentraturik, ume oso desberdinak direla esan dezaket, baina hiru multzo orokorretan banatuko ditut. Lehenengo multzokoak, oso hiztunak dira (ez dira inoiz isiltzen) eta beti daude eskua altsatzen erantzuteko prest (nahiz eta erantzunean ez pentsatu). Bigarren multzokoak, behar denean hitz egiten dute, badakite noiz egon behar diren isilik eta errespetatzen dute. Irakasea azalpena ematen ari den bitartean, adibidez,  ez dute gainetik hitz egiten. Azkenik hirugarren multzokoak, oso lotsatiak dira eta ez dute inoiz hitz egiten. 

Laburbilduz, aniztasunaren alderdi garrantzitsuenak, besteak beste, kultura eta hizkuntza aniztasuna direla esan dezaket.